तोंडाचा वास येणे ही सामान्य गोष्ट असली तरी चारचौघात वावरताना लाज वाटते. तोंडाला वास येऊ नये म्हणून दातांची आणि तोंडाची स्वच्छता करणे खूप महत्त्वाचे असते. यामुळे तोंडाचेल आरोग्य निरोगी राहते आणि तोंडाला दुर्गंधी येत नाही. खाण्या-पिण्याच्या पदार्थ दातांमध्ये अडकतात आणि दीर्घकाळ ते तसेच राहिल्यास तोंडाला दुर्गंधी येते. तसेच अन्नाचे कण दातात अडकून राहिल्यास बॅक्टेरियाचा धोका वाढतो. त्यामुळे श्वासाची दुर्गंधी येते.

दही

तोंडातून वास येत असल्यास तुम्ही दोन चमचे दही खाऊ शकता. दह्यामुळे तोंडाला एक नवीन चव मिळेल. श्वासाची दुर्गंधी कमी करण्यास मदत होईल. दह्यामधील गुणधर्म आतड्यातील बॅक्टेरिया संतुलित राहण्यास मदत करतात. दह्यामध्ये साखर आणि मीठ न टाकता त्याचे सेवन करावे.

पाणी प्या

वारंवार तोंडाला वास येऊ नये म्हणून शरीर हायड्रेट ठेवणे खूप महत्त्वाचे आहे. त्यामुळे रोज नियमित ३ लिटर पाणी प्यावे. पाण्याच्या कमतरतेमुळे तोंड कोरडे होते आणि बॅक्टेरिया वाढतात. यामुळे तोंडाला दुर्गंधी येते.

संत्री

फळ खाणे कधीही आरोग्यासाठी चांगले राहते. संत्र्यामध्ये व्हिटॅमिन सी मोठ्या प्रमाणात असते. तोंडात लाळेचे प्रमाण कमी झाल्यास तोंड उघडताच वास येतो. संत्र्यामध्ये व्हिटॅमिन सी तोंडात लाळेचं प्रमाण वाढवण्यास मदत करतात. त्यामुळे श्वासाची दुर्गंधी कमी होते. तसेच पिवळ्या दातांसाठी देखील संत्री उपयुक्त ठरतात.

चॉकलेट

अनेक वेळा जेवताना कांदा आणि लसूण खाल्ल्यामुळे तोंडाला वास येतो. अशात चारचौघात जायला लाज वाटते. अशावेळी नियमित बडीशेप, चॉकलेट खाल्ल्यामुळे तोंडाचा दुर्गंधी कमी होतो आणि चवही बदलते.

तोंडाची स्वच्छता

तोंडाच्या चांगल्या आरोग्यासाठी तोंडाची सकाळी आणि रात्री नियमित स्वच्छता करणे गरजेचे असते. यामुळे रोज सकाळी आणि रात्री झोपण्यापूर्वी दात स्वच्छ करावे. यामुळे तोंडातील बॅक्टेरिया दूर होतात. तसेच तु्म्ही अँटिबॅक्टेरियल माउथवॉशचा देखील वापर करू शकता.

डिस्क्लेमर : ही फक्त सामान्य माहिती आहे. अधिक तपशीलांसाठी डॉक्टरांशी संपर्क साधा.