आजचे पंचांग

सोमवार,३ फेब्रुवारी २०२५,माघ शुक्लपक्ष.

तिथी- षष्ठी २८|३८

रास- मीन २३|१७ नं. मेष

नक्षत्र- रेवती

योग- साध्य

करण- कौलव

दिनविशेष- उत्तम दिवस

मेष - परदेशी जाण्याच्या संधी येतील. कामाचा व्याप वाढता राहील. कोणाची अपेक्षा न करता आपली कामे करत रहा. यश तुमचेच आहे.

वृषभ - जुनी गुंतवणूक फळाला येईल. महत्त्वाचे पत्र व्यवहार मार्गी लागण्याचा आजचा दिवस आहे. जुने मित्र भेटतील. नव्या गोष्टी रंगतील. दिवस आनंदी आहे.

मिथुन - समाजकारणामध्ये यश मिळेल. बौद्धिक गोष्टी आपल्या चातुर्याच्या बळावर सहज सोडवाल. आपला सल्ला इतरांना आवडेल कार्यक्षेत्र रुंदावेल.

कर्क- शिव उपासना विशेष फलदायी ठरेल. तीर्थयात्रा, मोठे प्रवास या दृष्टीने दिवस चांगला आहे. मन आनंदी आणि प्रसन्न राहील.

सिंह - सरकारी कामांमध्ये अडचणी निर्माण होतील. चुकीच्या मार्गाने जाऊ नका. भ्रष्टाचार, लाचलुचपत या गोष्टींमध्ये आपण नाहक गोवले जाण्याची आज शक्यता आहे.

कन्या- ठरवलेल्या गोष्टी मनाप्रमाणे घडतील. व्यवसायामध्ये भागीदाराचा सल्ला आज महत्त्वाचा ठरेल. नवीन बैठक होईल. नव्या संधी निर्माण होतील.

तूळ - आजोळी प्रेम वाढेल. मामा, मावशी यांच्याशी चांगले संबंध प्रस्थापित होतील. तब्येतीच्या तक्रारी मात्र डोके वर काढतील. हितशत्रूंचा त्रास संभवतो आहे.

वृश्चिक -आज कुलस्वामिनीची उपासना करावी. शेअर्समध्ये चांगला फायदा होईल. मोठ्या गुंतवणुकीसाठी दिवस चांगला राहील. संतती सौख्य उत्तम राहील.

धनु - घर आणि जागा खरेदी विक्रीचे व्यवहार पार पडतील. दुभत्या जनावरांपासून फायदा होईल. शेती बागायतीची कामे मार्गी लागतील.

मकर - भावंडांचे विशेष सहकार्य लाभेल. छोटे प्रवास घडतील. दगदगीचा दिवस असला तरी दिवसाच्या शेवटी समाधानाची लहर जाणवेल.

कुंभ - जोडीदाराच्या तब्येतीची आज काळजी घ्यावी. अर्थार्जनासाठी मात्र दिवस चांगला आहे. नव्या उमेदीने कामाला लागाल.

मीन - आपले व्यक्तिमत्व उठून दिसेल. आपला इतरांवर प्रभाव असेल. आरोग्य चांगले राहील. आशादायी घटनांचा कालावधी आज आहे.