Dhanshri Shintre
तिजोरी, पाकीट आणि पर्स पैसे साठवण्यासाठी वापरली जाते, पण काहीवेळा त्यात अशा वस्तू ठेवल्या जातात ज्यामुळे आर्थिक अडचणी वाढू शकतात आणि गरिबी येऊ शकते.
चला जाणून घेऊया, त्या कोणत्या वस्तू आहेत ज्या तिजोरी, पाकीट किंवा पर्समध्ये ठेवणे टाळावे, कारण त्या आर्थिक संकटांचे कारण ठरू शकतात.
वास्तुशास्त्रानुसार, ज्या ठिकाणी पैसे ठेवता, तिथे तुटलेला आरसा ठेवणे टाळा. कारण, त्यामुळे आर्थिक प्रगतीला अडचण येऊ शकते.
फुकट मिळालेल्या वस्तू, जसे दागिने, इलेक्ट्रॉनिक आयटम, सौभाग्यशाली वस्तू (वाण) कधीही पैशांसोबत ठेऊ नयेत, कारण यामुळे तुमच्या आर्थिक परिस्थितीवर नकारात्मक परिणाम होऊ शकतो.
अनेक वेळा लोक चाव्या आणि इतर लहान वस्तू पर्समध्ये ठेवतात, तसेच कधी कधी त्यात छोटा चाकू देखील ठेवल्याचे दिसून येते.
पण वास्तुशास्त्रानुसार, अशी वस्तू पर्समध्ये ठेवणे शुभ मानले जात नाही. यामुळे आर्थिक समस्यांचा सामना करण्याची शक्यता वाढू शकते.
पर्समध्ये अनावश्यक कागदपत्रे, स्लिप्स किंवा बिल ठेवणे टाळा. यामुळे पैशांची गळती होऊ शकते आणि नकारात्मक ऊर्जा वाढू शकते, परिणामी आर्थिक स्थिती प्रभावित होऊ शकते.
तिजोरीत काळ्या रंगाचे कपडे ठेवणे टाळा, कारण यामुळे नकारात्मक ऊर्जा वाढू शकते आणि आर्थिक संकटे देखील अधिक गंभीर होऊ शकतात.