Accident News : धावत्या स्कूल बसमधून पडली, चाकाखाली चिरडून ९ वर्षांच्या मुलीचा मृत्यू

Uttar Pradesh School Bus Accident 9 Year Girl Dies उत्तर प्रदेशमध्ये अंगावर काटा आणणारा अपघात घडला आहे. एका खराब झालेल्या धावत्या स्कुल बसमधून पडून ९वर्षांच्या विद्यार्थिनीचा दुर्दैवी मृत्यू झाला आहे. मुलीच्या मृत्यूनंतर शाळा प्रशासनावर प्रश्नचिन्ह निर्माण केले जात आहे. तसेच मृत मुलीच्या कुटुंबियांवर दुःखाचा डोंगर कोसळला आहे. याप्रकरणी पोलीस तपास करत आहेत.

मिळालेल्या माहितीनुसार, मृत मुलीचे नाव नैना असे असून ती पाहिलीत शिकत होती. बुधवारी शाळा सुटल्यानंतर ती शाळेच्या बसमध्ये बसली. ही स्कुल बस जुनी आणि खराब झालेल्या अवस्थेत होती. शाळेतील सगळी मुलं बसमध्ये बसल्यानंतर स्कुल बस सुरु झाली. अवघ्या काही क्षणातच स्कुल बसची सीट तुटल्याने नैना मागच्या मागे धावत्या बसमधून खाली पडली आणि मागून येणाऱ्या टायर खाली चिरडली गेली.

बसमधील कर्मचाऱ्यांच्या लक्षात येताच त्यांनी तातडीने बस थांबवली. मात्र तोपर्यंत उशीर झाला होता. या दुर्घटनेत नैनाचा जागीच मृत्यू झाला. या घटनेची माहिती मिळताच पोलीस घटनास्थळी दाखल झाले.

नैनाचा मृतदेह ताब्यात घेऊन तो रुग्णालयात पाठवण्यात आला. पोलिसांनी पुढील कारवाई सुरु केली आहे. दरम्यान नैनाच्या मृत्यूने तिच्या कुटुंबियांवर दुःखाचा डोंगर कोसळला आहे. या घटनेने पुन्हा एकदा विद्यार्थ्यांच्या सुरक्षिततेवर प्रश्नचिन्ह उपस्थित झाले आहे.