मनोरंजनसृष्टीतून दुःखद बातमी समोर आली आहे. प्रसिद्ध चित्रपट निर्माते यशवंत सरदेशपांडे (Yashwant Sardeshpande) यांचे निधन झाले आहे. वयाच्या 62 वर्षी त्यांनी अखेरचा श्वास घेतला आहे. यशवंत सरदेशपांडे यांचे हृदयविकाराच्या झटक्याने बंगळुरू येथे निधन झाले आहे. यशवंत सरदेशपांडे यांनी कन्नड मनोरंजनसृष्टीत मोलाचे योगदान दिले आहे.

यशवंत सरदेशपांडे यांनी अनेक नाटक केली आहेत. कन्नड रंगभूमी गाजवली आहे. यशवंत सरदेशपांडे यांचे सोमवारी 29 सप्टेंबरला हृदयविकाराच्या झटक्याने निधन झाले. अचानक त्यांच्या छातीत दुखायला लागले आणि ते बेशुद्ध पडले. त्यांना त्वरित फोर्टिस रुग्णालयात दाखल करण्यात आले. मात्र त्यांना शुद्धीवर आणण्यात अपयश आले. रविवारी धारवाड येथे त्यांनी नाटकाचा प्रयोग केला होता आणि सोमवारी त्यांचे निधन झाले.

यशवंत सरदेशपांडे हे 'नागेया सरदार' म्हणून प्रसिद्ध होते. त्यांचा जन्म विजापूर जिल्ह्यात बसवाना बागेवाडी तालुक्यात उक्कली गावात झाला. ते लहानपणापासून नाटक क्षेत्रात कार्यरत होते. त्यांनी थिएटर स्कूलमध्ये प्रशिक्षण घेतले. तसेच नाट्यशास्त्र विषयात डिप्लोमा केला. यशवंत सरदेशपांडे यांनी 1996 मध्ये न्यूयॉर्क विद्यापीठातून सिनेमा आणि नाट्यलेखनाचा प्रमाणपत्र अभ्यासक्रम पूर्ण केला.

यशवंत सरदेशपांडे हे प्रसिद्ध नाटककार, दिग्दर्शक आणि अभिनेते होते. ते विनोदी भूमिकांसाठी प्रसिद्ध होते. यशवंत सरदेशपांडे यांच्या पत्नी मालती सरदेशपांडे देखील एक उत्तम अभिनेत्री आहेत. यशवंत सरदेशपांडे यांच्या निधनाने सरदेशपांडे कुटुंबावर दुःखाचा डोंगर कोसळला आहे. यशवंत सरदेशपांडे यांनी टेलिव्हिजनवर देखील काम केले आहे. तसेच त्यांचे 'ऑल द बेस्ट' हे नाटक खूप गाजले आहे.