Ankita Walawalkar : अंकिता वालावलकरने सुरू केला NGO, व्हिडीओ शेअर करत म्हणाली, "चला बदल घडवूया"

'कोकण हार्टेड गर्ल' अंकिता वालावलकर (Ankita Walawalkar) कायम कोणत्या ना कोणत्या कारणामुळे चर्चेत असते. 'बिग बॉस मराठी 5' अंकिताला खूप लोकप्रियता मिळाली. अंकिता कायम स्पष्टवक्तेपणासाठी ओळखली जाते. नुकतीच तिने सोशल मीडियावर पोस्ट करून आपल्या नवीन उपक्रमाची माहिती दिली आहे. अंकिता वालावलकरने स्वतःचा नवीन NGO सुरू केला आहे. ज्याची संपूर्ण माहिती तिने एक व्हिडीओ शेअर करून चाहत्यांना दिली आहे.

NGOचे नाव काय?

अंकिता वालावलकर आणि तिचा नवरा कुणाल भगतने सुरू केलेल्या नवीन NGOचे नाव Arthanexus Global Foundation असे आहे. हे फाउंडेशन आरोग्य, शिक्षण आणि प्राण्यांसाठी काम करणार आहे. हा NGO पनवेल, नवी मुंबई येथे आहे. व्हिडीओच्या शेवटी अंकिता वालावलकरने प्रेक्षकांना देखील मदतीचे आव्हान केले आहे. तसेच NGOमध्ये स्वयंसेवक होण्यासाठी एक चांगली संधी देखील दिली आहे. अंकिताच्या या पोस्टवर चाहत्यांकडून कमेंट्सचा वर्षाव होत आहे. नेटकरी तिचे कौतुक करताना दिसत आहे.

अंकिता वालावलकर पोस्ट

"नमस्कार मंडळी!

आपण कायमच एकत्र येऊन छान काम केलं आहे. आता वेळ आहे या कामाला आणि आपल्या या एकजुटीला एक नाव देण्याची. 'कोकण हार्टेड गर्ल' पासून सुरुवात झाली आणि पुढे 'महाराष्ट्र हार्टेड गर्ल' ही ओळख बनली. पण या वाटचालीत मला खरी साथ दिलीत ती तुम्ही सगळ्यांनीच. कोकणच्या चेडवाची खरी 'भावकी' तुम्हीच तयार केलीत! आज आपल्या NGO ची सुरुवात होत आहे. Arthanexus Global Foundation च्या माध्यमातून ही 'भावकी' आता अजून छान काम करत राहील. एकजुटीतून घडलेली भावकी, आता नव्या वाटेवर Arthanexus Global Foundation

चला बदल घडवूया!"

NGOचे तीन संकल्प

1. गरजूंपर्यंत वैद्यकीय मदत पोहचवणे.

2. शिक्षण हीच खरी ताकद आहे हे ओळखून ज्ञानाचे दार उघडणे.

3. मूक प्राण्यांचे संरक्षण- यात मूक प्राण्यांच्या राहण्याची, खाण्याची आणि उपचारांची सोय करण्यात आली आहे.