रितेश देशमुखच्या 'राजा शिवाजी' चित्रपटाला महाराष्ट्रातून भरपूर प्रेम मिळत आहे. या चित्रपटातून पुन्हा एकदा छत्रपती शिवाजी महाराजांची यशोगाथा मोठ्या पडद्यावर मांडली गेली. चित्रपटातील गाणी ऐकून अंगावर नक्कीच काटा येतो. चित्रपट रिलीज होऊन आता चार दिवस झाले आहे. चार दिवसांत 'राजा शिवाजी' ने मराठी आवृत्तीत बक्कळ कमाई केली आहे. 'राजा शिवाजी' १ मे ला रिलीज झाला आहे. पहिल्या आठवड्याच्या शेवटी चित्रपटाने ३३ कोटींहून अधिक रुपयांची कमाई केली. आता पहिल्या सोमवारी किती कोटी कमावले, जाणून घेऊयात.

'राजा शिवाजी' बॉक्स ऑफिस कलेक्शन दिवस ४

Sacnilk च्या रिपोर्टनुसार, 'राजा शिवाजी'च्या मराठीत चौथ्या दिवशी (पहिल्या सोमवारी) कमाईत घट झाली. १,७३५ शोजमधून या चित्रपटाने ४.२५ कोटी रुपयांची कमाई केली. यामुळे, या चित्रपटाच्या मराठी आवृत्तीची एकूण नेट कमाई आता २७.१५ कोटी रुपयांवर पोहोचली आहे. यामुळे चित्रपटाची एकूण मराठी आणि हिंदी आवृत्ती मिळून ग्रॉस कलेक्शन ४६.९५ कोटी रुपयांवर पोहोचले आहे, तर एकूण नेट कमाई ३९.५० कोटी इतकी झाली.

मराठी आवृत्ती कलेक्शन

• पहिला दिवस: ८ कोटी रुपये

• दुसरा दिवस: ७.१५ कोटी रुपये

• तिसरा दिवस: ७.७५ कोटी रुपये

• चौथा दिवस: ४.२५ कोटी रुपये

• एकूण: २७.१५ कोटी रुपये

भारतातील सर्वाधिक कमाई करणारे टॉप 10 मराठी चित्रपट

1. सैराट: 80.98 कोटी

2. बापन भरी देवा : ७६.९२ कोटी

3. वेद: 61.20 कोटी

4. नटसम्राट : ४२ कोटी

5. कट्यार काळजात घुसली : 40 कोटी

6. राजा शिवाजी: 39.50 कोटी (चार दिवसांचे संकलन)

7. पावनखिंड : ३७.७२ कोटी

8. लय भारी : 37 कोटी

9. टाईमपास: 33 कोटी

10. क्रांतीज्योती विद्यालय मराठी माध्यम : 28 कोटी