'विरोश' (VIROSH) ने 26 फेब्रुवारी 2026 ला लग्नगाठ बांधली. सध्या सर्वत्र रश्मिका मंदाना आणि विजय देवरकोंडा यांच्या लग्नाची चर्चा पाहायला मिळत आहे. उदयपूर येथीस 'आयटीसी मेमेंटोस' या लग्जरी हॉटेलमध्ये त्यांचा शाही विवाह सोहळा पार पडला. रश्मिका मंदाना आणि विजय देवरकोंडाने तेलुगू हिंदू आण कोडावा अशा दोन वेगवेगळ्या पद्धतीने लग्न केले.

सध्या सोशल मीडियावर फक्त रश्मिका-विजयच्या लग्नाचे फोटो आणि व्हिडीओ पाहायला मिळत आहे. अशात त्यांचा लग्नानंतरच पहिला व्हिडीओ समोर आला आहे. ज्याने सर्वांचे लक्ष वेधून घेतले आहे. व्हिडीओत रश्मिका मंदाना आणि विजय देवरकोंडाचा रोमँटिक अंदाज पाहायला मिळत आहे.

व्हायरल व्हिडीओ

रश्मिका मंदान्ना आणि विजय देवरकोंडा उदयपूर विमानतळावर लग्नानंतर पहिल्यांदा स्पॉट झाले. त्यांना पाहून चाहत्यांना प्रचंड आनंद झाल्याचे पाहायला मिळाले. तसेच पहिल्यांदाच एकत्र दिसल्यामुळे रश्मिका-विजय देखील खूप खुश पाहायला मिळाले. रश्मिका-विजय हातात हात घालून मीडियासमोर आले. त्यानंतर दोघांनी मिठी मारली. त्यानंतर रश्मिका-विजयने हात जोडून सर्वांना नमस्कार केला. त्यानंतर चाहत्यांना दोघांनी फ्लाइंग किस दिली. रश्मिका आणि विजय आनंदी असून खूप स्माइल करत होते.

एअरपोर्टवर नव्या नवरीच्या लूकने सर्वांचे लक्ष वेधून घेतले. रश्मिकाच्या चेहऱ्यावर नव्या नवरीचा ग्लो दिसत होता. तिने सुंदर लाल रंगाचा पारंपरिक पंजाबी ड्रेस परिधान केला होता. मोकळे केस, मिनिमल मेकअप, साज श्रृंगार केला होता. भांगेमध्ये कुंकू भरले होते. नवीन नवरी खूपच सुंदर दिसत होती. तर विजयने विजयने ऑफ व्हाइट रंगाचा को-ऑर्ड सेट घातला होता. डोळ्यावर गॉगल लावला होता. त्यांचा हा व्हिडीओ सोशल मीडियावर तुफान व्हायरल होत आहे. यावर चाहते कमेंट्सचा वर्षाव करताना दिसत आहे.

रश्मिका मंदाना आणि विजय देवराकोंडा यांनी ऑक्टोबर 2025 मध्ये हैदराबादमध्ये साखरपुडा उरकला. लग्नाचे रिसेप्शन 4 मार्चला थाटामाटात पार पडणार आहे. रिसेप्शन दोन्ही हैदराबादमध्ये होणार आहे. लग्न सोहळा जवळचे नातेवाईक, कुटुंब आणि जवळच्या मित्रमंडळींच्या उपस्थितीत पार पडला. रश्मिका मंदाना आणि विजय देवरकोंडा यांनी 2018 ला रिलीज झालेल्या 'गीता गोविंदम' आणि 2019 साली 'डियर कॉमरेड' या दोन चित्रपटांमध्ये काम केले आहे. चाहते आता दोघांना पुन्हा एकदा एकत्र पाहायला उत्सुक आहेत.