Rashmika-Vijay Wedding: 'Virosh'ची लगीनघाई...; विजय देवरकोंडा अन् रश्मिका मंदान्ना उदयपुरमध्ये पोहोचले, पाहा VIDEO

Rashmika- Vijay Wedding: प्रसिद्ध अभिनेत्री रश्मिका मंदान्ना आणि अभिनेता विजय देवरकोंडा यांनी अखेर त्यांच्या लग्नाची घोषणा केली आहे. त्यांनी त्यांच्या लग्नाचे नाव "विरोश" ठेवले आहे. रश्मिका आणि विजय त्यांच्या कुटुंबियांसह उदयपूरमध्ये पोहोचले व्हिडिओमधून दिसते की हे कपल लग्नासाठी उदयपूरला पोहोचले आहे. यावेळी रश्मिका पापाराझींना बघून हसताना दिसली, तर विजयने वाकून त्यांचे स्वागत केले. दोघेही यावेळी खूप आनंदी दिसत होते.

विजयचा लूक...

हैदराबाद विमानतळावरून विजय आणि रश्मिकाचे अनेक व्हिडिओ समोर आले आहेत. या व्हिडिओंमध्ये हे कपल खूप आनंदी दिसत आहे. विजय काळ्या लेदर जॅकेटसह पांढरा शर्ट आणि काळ्या पँटमध्ये दिसला. विजयने त्याची नवीन हेअरस्टाईल केली आहे. त्याच्यासोबत त्याचा भाऊ आनंद देवेराकोंडा, मित्र आणि टीम होती.

रश्मिकाचा लूक...

तर, रश्मिका मंदान्नाने पांढरा शर्ट, स्टायलिश राखाडी ब्लेझर आणि ट्राउझर्स घातले होते. तिच्याभोवती काही महिला होत्या, कदाचित त्या आंतरराष्ट्रीय सुरक्षा एजन्सीमध्ये असू शकतात. यावेळी रश्मिका खूपच आनंदी दिसत होती.

रश्मिका आणि विजय यांची लग्नाबद्दल पोस्ट

विजय देवरकोंडा आणि रश्मिका मंदान्ना यांनी रविवारी त्यांच्या इंस्टाग्राम स्टोरीवर एक पोस्ट पोस्ट करून लग्नाच्या अफवांना पूर्णविराम दिला. पोस्टमध्ये लिहिले होते, "आमचे प्रिय चाहते, आम्ही कोणतीही योजना बनवण्यापूर्वी, स्वतःसाठी काहीही निवडण्यापूर्वी, तुम्ही आमच्यासोबत होतास. तुम्ही प्रेमाने आम्हाला एक नाव दिलेस. तुम्ही आम्हाला विरोश म्हटलेस. म्हणून आज, आमच्या मनापासून, आम्ही आमच्या लग्नाला तुमच्या दिलेलं नाव देतोय. आम्ही याला विरोशचे लग्न म्हणू इच्छितो. आम्हाला इतके प्रेम दिल्याबद्दल धन्यवाद. तुम्ही नेहमीच आमच्यासोबत राहा.