अक्षय कुमार आणि करीना कपूर यांनी फार कमी सिनेमात एकत्र काम केलं आहे. पण जेवढे सिनेमे केले, त्यात या दोघांची केमिस्ट्री लोकांना प्रचंड भावली. पण सध्या अक्षय कुमारनं करीनाबाबतचा एक किस्सा सांगितला आहे. त्यामुळे त्याच्या विधानाची सोशल मीडियावर चांगलीच चर्चा सुरु झाली आहे.

'गुड न्यूज' चित्रपटावेळचा हा किस्सा आहे. ज्यात अक्षय कुमारने करीनाचा एक प्रसंग सांगितला आहे. 'गुड न्यूज' चित्रपटामध्ये मुख्य भूमिकेत अक्षय कुमार, करीना कपूर, कियारा अडवाणी आणि दलजीत दोसांझ आहेत. या चित्रपटाची एक वेगळी कॉन्सेप्ट होती. पण बॉक्स ऑफिसवर हा चित्रपट फार काही कमाई करु शकला नाही. पण आता अक्षय कुमारच्या मुलाखतीचा एक व्हिडिओ चांगलाच व्हायरल होतो आहे. ज्यात अक्षय कुमारने करीनाच्या काही विचित्र सवयींबाबत खुलासा केला आहे.

अक्षयनं सांगितला 'तो' किस्सा

एका मुलाखतीत त्याला प्रश्न विचारला असता, त्यांनं जे काही सांगितलं ते ऐकून तुम्ही थक्क व्हाल. फेमस असलेल्या 'द कपिल शर्मा शो'मध्ये अक्षय कुमार प्रमोशनसाठी गेला होता. तिथे कपिलने त्याला विचारलं की, आम्ही ऐकलं एका सीनमुळे तुम्हाला वारंवार मेकअप दुरुस्त करावा लागला होता.

त्यावर उत्तर देताना, अक्षयनं सांगितलं, "हो, 'गुड न्यूज'चं शुटींग सुरु असताना एका सीनमध्ये करिना अतिशय जोरात बोलत होती. आणि ती माझ्यावर ओरडून बोलत असतानाचा तो सीन होता, त्यामुळे ती एवढ्यावेळा माझ्या तोंडावर थुंकली की, मला सारखं सारखं मेकअप दुरुस्त करावा लागला. डिलिव्हरीच्या वेळीचा तो सीन होता. आणि यावेळी ती ओरडताना माझ्यावर थुंकतेय हे तिला कळतच नव्हतं. त्यामुळे अशी वेळ ती माझ्यावर आली होती." असं अक्षय कुमारनं सांगितलं आहे.

करीनाला आहे आणखी एक वाईट सवय

एवढंच नाही तर करीनाला तिचे नखं खाण्याचीही वाईट सवय असल्याचं सांगितलं जातं. करीनाने स्वतःच याबाबत खुलासा केला आहे. ती म्हणाली, "मी नखं खाऊ नये, यासाठी माझी आई माझ्या नखांना मिरची पावडर लावायची तरीही, माझी सवय काही गेली नाही."

दरम्यान, अक्षय कुमार आणि करीना कपूरच्या या किस्स्याला सोशल मिडियावर नेटकऱ्यांनी दिलखुलास प्रतिक्रिया दिलेल्या आहेत. त्यामुळे त्यांचा हा व्हिडिओ सध्या चांगलाच व्हायरल होतोय. अक्षय कुमार आणि करिना कपूरने आधई ऐतराज या सिनेमातही काम केलं आहे. आणि चित्रपट सुपरहिट ठरला होता.