देशभरात आज पाचव्या टप्प्यातील मतदान पार पडणार आहे. आज महाराष्ट्रात सर्वाधिक म्हणजेच एकूण १३ मतदारसंघात मतदान होणार आहे. आज सकाळपासूनच मतदानाला सुरुवात झाली आहे. नागरिकांनी मतदान करण्यास सुरुवात केली आहे. नागरिकांसोबतच अनेक बॉलिवूड सेलिब्रिटींनी मतदान केले आहे. बॉलिवूड अभिनेता अक्षय कुमार, जान्हवी कपूर, फरहान अख्तरने मतदान केले आहे.
भारताचे नागरिकत्व परत मिळाल्यानंतर पहिल्यांदाच अक्षय कुमारने मतदान केले आहे. अक्षय कुमारने काल सोशल मीडियाच्या माध्यमातून नागरिकांना मतदान करण्याचे आवाहन केले होते. त्यानंतर त्याने आज सकाळीच मतदान केले आहे. यावेळी माध्यमांशी बोलताना अक्षय कुमारने सांगितले की, आज मतदान करण्यासाठी नागरिकांनी खूप गर्दी केली आहे. मतदानकेंद्रावर जवळपास ५००-६०० लोक लाइनमध्ये उभे होते, याचा मला आनंद आहे. सर्वांनी मतदान करायला हवे.
अक्षय कुमारसोबतच जान्हवी कपूर, फरहान अख्तर आणि झोया अख्तर आणि राजकुमार रावने मतदानाचा अधिकार बजावला आहे. काल अनेक सेलिब्रिटींनी मतदान करण्याचे आवाहन नागरिकांना केले होते. शाहरुख खान, अक्षय कुमारने नागरिकांनी मतदान करण्यास सांगितले आहे.
मुंबईत आज पाचव्या टप्प्यातील मतदानाला सुरुवात झाली आहे. महाराष्ट्रातील १३ मतदारसंघात मतदान होत आहे. यामध्ये दक्षिण मुंबई, दक्षिण मध्य मुंबई, उत्तर मुंबई, उत्तर मध्य मुंबई, उत्तर पूर्व मुंबई, वायव्य मुंबई या जागांचा समावेश आहे. याशिवाय ठाणे, कल्याण, पालघर, नाशिक, धुळे, दिंडोरी, आणि भिवंडी अशा १३ लोकसभा मतदारसंघात मतदान पार पडत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.