Hardik Pandya And Ananya Pandey : घटस्फोट होताच हार्दिक पांड्याने 'या' बॉलिवूड अभिनेत्रीला केलं फॉलो, अनंत- राधिकाच्या लग्नात दिसले होते एकत्र

गेल्या काही दिवसांपासून ज्या चर्चा होत्या, अखेर त्या चर्चा खऱ्या ठरल्या आहेत. हार्दिक- नताशाने सोशल मीडियावर पोस्ट शेअर करत घटस्फोट घेण्याचा निर्णय घेतला आहे. निर्णय घेतल्यानंतर नताशा आपल्या मायदेशी परतली आहे. घटस्फोटाची घोषणा झाल्यानंतर हार्दिक पांड्या आणि एक बॉलिवूड अभिनेत्री एकमेकांना इन्स्टाग्रामवर फॉलो करीत आहेत. तेव्हापासून सोशल मीडियावर पुन्हा एकदा उलटसुलट चर्चा सुरू झाल्या आहेत.

ही अभिनेत्री दुसरी तिसरी कोणी नसून अनन्या पांडे आहे. अनंत- राधिकाच्या लग्नामध्ये हार्दिक आणि अनन्या जोरदार नाचले होते. त्यांच्या डान्सची सध्या सोशल मीडियावर जोरदार चर्चा होत आहे. अनंत- राधिकाच्या लग्नामध्ये हार्दिक एकटाच उपस्थित होता. टीम इंडियाने टी- २० वर्ल्डकपवर आपलं नाव कोरल्यानंतर नताशाने हार्दिकसाठी पोस्टही शेअर केली नव्हती. तेव्हापासून त्यांच्या घटस्फोटाच्या चर्चेला सुरूवात झाली आहे.

घटस्फोटानंतर हार्दिक आणि अनन्या एकमेकांना इन्स्टाग्रामवर फॉलो करीत आहे. तेव्हापासूनच त्यांच्या रिलेशनची जोरदार चर्चा होत आहे. अनंत- राधिकाच्या लग्नातील हार्दिक आणि अनन्याचा डान्स व्हिडिओपाहून अतिउत्साही नेटकऱ्यांनी "रब ने बना दी जोडी" अशी कमेंटही केली आहे.

अनन्या पांडे आणि आदित्य रॉय कपूर यांच्या रिलेशनचीही सोशल मीडियावर जोरदार चर्चा झाली होती. अनेक महिने त्यांनी एकमेकांना डेट केल्यानंतर काही दिवसांपूर्वीच त्यांचं ब्रेकअप झालं.