बिग बॉसचा खेळ आता चांगलाच रंगताना दिसत आहे. रोज नवीन ड्रामा होताना दिसत आहे. या वेळेचे स्पर्धक एकमेकांशी तुफान भिडताना दिसत आहेत. या सीझनमध्ये हिंदी 'बिग बॉस 15' गाजवणारा राकेश बापट झळकला आहे. अलिकडेच तो 'नवरी मिळे हिटलरला' या कार्यक्रमात पाहायला मिळाला. मालिकेतील त्याची एजे ची भूमिका खूप गाजली.

बिग बॉसच्या घरात आता एजे आपला स्वॅग दाखवताना दिसत आहे. घरात राकेश बापट आणि विशाल कोटियनचे दणक्यात भांडण झाले आहे. राकेश आता आपला गेम दाखवायला लागला आहे. बिग बॉसने शेअर केलेल्या व्हिडीओमध्ये किचन एरियात सर्वजण काम करत असतात. तेव्हा राकेश आणि विशाल यांच्यात भांडणे होतात. दोघांमध्ये संभाषण असे की -

राकेश बापट - "ज्यांचे टॉवेल्स आहेत ना आतमध्ये त्यांनी धुवायचे असतील तर इथे टाकून घ्या..."

विशाल कोटियन - "आम्ही काय केलं पाहिजे हे तू आम्हाला सांगू नकोस...तू कॅप्टन नाहीयेस अजून..."

एका टॉवेल वरून दोघे भांडू लागतात. तसेच या व्हिडीओवर नेटकऱ्यांनी कमेंट्सचा पाऊस पडत आहे. प्रेक्षकांना राकेश बापटचा अंदाज खूप आवडला आहे. राकेश बापटला काही लोक 'बिग बॉस मराठी 6' विजेता बोलत आहे. "Captain नाही winner आहे राकेश बापट...", "Winner wibe राकेश भाऊ...विजेता", "फक्त किंग, आमचा हिरो..."," कोण म्हणतेय कॅप्टन आहे, RB विजेता आहे..." अशा कमेंट्स व्हिडीओवर पाहायला मिळत आहे. तसेच बिग बॉसच्या घरात पहिला कॅप्टन कोण होणार याची चर्चा सोशल मीडियावर रंगली आहे.

बिग बॉसच्या घरात आता नवीन कोणता ड्रामा होणार हे पाहणे महत्त्वाचे ठरणार आहे.तसेच येणाऱ्या भागांमध्ये मराठी अभिनेत्री दिपाली सय्यद भावुक होताना दिसणार आहे. 'बिग बॉस मराठी ६' हा सीझन 100 दिवसांचा असणार आहे. यंदाची थीम 'दार उघडणार आणि नशिबाचा खेळ पालटणार...' आहे. 'बिग बॉस मराठी ६' हा शो रात्री 8 वाजता 'कलर्स मराठी' आणि ‘जिओहॉटस्टार’वर पाहायला मिळणार आहे.