Shiv Thakare Wedding : बिग बॉस विजेता शिव ठाकरेने गुपचूप बांधली लग्नगाठ; 'तो' फोटो शेअर करून चाहत्यांना दिली गुडन्यूज

'बिग बॉस मराठी 2'चा विजेता शिव ठाकरे (Shiv Thakare Wedding ) लग्नबंधनात अडकला आहे. त्याने सोशल मीडियावर पोस्ट करून चाहत्यांना ही आनंदाची बातमी दिली आहे. शिव ठाकरेने बायकोसोबतचा लग्नातील रोमँटिक फोटो शेअर केला आहे. शिव ठाकरेने अचानक असा फोटो टाकून चाहत्यांना आनंदाचा धक्का दिला आहे. शिव ठाकरेला 'बिग बॉस मराठी'मुळे खूप लोकप्रियता मिळाली आहे.

शिव ठाकरेने शेअर केलेल्या या पोस्टमध्ये तो नवरदेवाच्या रुपात दिसत आहे. गुलाबी रंगाचे धोतर त्याने परिधान केले आहे. तसेच कपाळावर मुंडावळ्या बांधल्या आहेत. फोटोमध्ये शिवने बायकोचा चेहरा दाखवला नाही. शिवच्या हाताला पकडून त्याची बायको पाठमोरी उभी आहे. तिने सुंदर मेहंदी कलरची साडी नेसली आहे. तर जांभळ्या रंगाचा शालू घेतला आहे. दोघे एकत्र खूप छान दिसत आहे. तिच्या कपाळावर मुंडावळ्या बांधल्या आहेत. शिव खूपच आनंदी आहे.

शिव ठाकरे पोस्टला खूप हटके कॅप्शन दिलं आहे. त्याने लिहिलं की, "Finally..." शिव ठाकरे नुकताच लग्न बंधनात अडकला असून त्याने शेअर केलेल्या या पोस्टवर एकीकडे चाहते आणि कलाकार कमेंट्सचा, शुभेच्छांचा वर्षाव करत आहेत. त्याला नवीन प्रवासासाठी शुभेच्छा देत आहेत. तर दुसरीकडे नेटकरी असेही म्हणत आहे की, हा एखाद्या शूटिंगचा फोटो आहे. शिवचा नवीन प्रोजेक्ट येत आहे.

शिवच्या या पोस्टवर कॉमेडी क्वीन भारती सिंहने कमेंट केली आहे. तिने लिहिलं की, "ये कब हुआ भाई...अभिनंदन" शिवने फोटोमध्ये बायकोचा चेहरा दाखवला नाही. त्यामुळे चाहते आता शिवच्या नवरीला पाहण्यासाठी उत्सुक आहेत. अलिकडेच शिव ठाकरे 'बिग बॉस मराठी' च्या रियुनियन पार्टीत दिसला होता.