दीपिका पदुकोण आणि रणवीर सिंह हे बॉलिवूडच्या क्यूट कपलपैकी एक आहे. लवकरच हे कपल आई- बाबा होणार आहेत. हे कपल कायमच सोशल मीडियावर कोणत्या ना कोणत्या कारणामुळे चर्चेत राहण्याचा प्रयत्न करते. अशातच रणवीर घरी बाळ येण्याची जोरदार तयारी करीत आहे. सध्या रणवीर डाएट वैगेरे न करता पौष्टिक पदार्थ खाऊन आपलं वजन वाढवताना दिसत आहे. सध्या सोशल मीडियावर तो वजन वाढवतानाचे अनेक फोटो जोरदार व्हायरल होत आहे.

मीडिया रिपोर्टनुसार, रणवीर बाबा होण्यापूर्वी १५ किलो वजन वाढवणार आहे. त्यामुळे तो सध्या आजकाल भरपूर मिठाई आणि फ्रेंच फ्राईज खात आहे. प्रसिद्ध लेखिका शोभा डे यांनी इन्स्टाग्रामवर फोटो शेअर करत ही माहिती दिली आहे. शोभा डे यांनी इन्स्टाग्रामवर शेअर केलेल्या फोटोमध्ये, शोभा डे आणि रणवीर अलिबागमधील एका कॅफेमध्ये बसलेले दिसत आहे. यावेळी रणवीरने व्हाईट टी-शर्ट आणि खूप दाढीमध्ये तो दिसत आहे. यासोबतच रणवीरने ब्लॅक गॉगलही वेअर केलेला आहे. सध्या रणवीरच्या नव्या लूकची तुफान चर्चा होत आहे.

खरंतर, रणवीर त्याच्या आगामी प्रोजेक्टमुळे ही वजन वाढवताना दिसत आहे. लवकरच रणवीरचा आगामी चित्रपट येणार आहे. पण नेमका त्याच्या आगामी चित्रपटाचं नाव सध्या तरी गुलदस्त्यात आहे. शोभा डे यांनी सोशल मीडियावर शेअर केलेले फोटो सध्या तुफान व्हायरल होत असून अनेक युजर्सकडून रणवीरच्या लूकची जोरदार चर्चा होत आहे. रणवीर शेवटचा 'रॉकी और राणी की प्रेम कहाणी' चित्रपटातून प्रेक्षकांच्या भेटीला आला होता. त्या चित्रपटाने बॉक्स ऑफिसवर तुफान कमाई केलेली होती.

रणवीर सिंह लवकरच रोहित शेट्टीच्या 'सिंघम अगेन' या कॉप युनिव्हर्स चित्रपटात दिसणार आहे. त्याच्यासोबत चित्रपटात अजय देवगण आणि अक्षय कुमारही दिसणार आहे. याशिवाय तो 'डॉन ३'मध्येही दिसणार आहे. या चित्रपटात त्याच्यासोबत कियारा अडवाणीही दिसणार आहे.