- बालाजी सुरवसे

सीबीआय अधिकारी आहे असे सांगत एकाने ज्येष्ठ नागरिकाचे 50 हजार रुपयांचे सोने लंपास केल्याची घटना धाराशिव शहरातील समता कॉलनी येथे घडली. या घटनेनंतर ज्येष्ठ नागरिकाने आनंदनगर पोलिस ठाण्यात तक्रार दिली. पाेलिसांनी अज्ञातावर गुन्हा नाेंदविला आहे.

पाेलिसांकडून मिळालेल्या माहितीनूसार समता काॅलनी येथील प्रकाश परंडेकर हे आपल्या घराच्या गेटजवळ थांबले हाेते. त्यावेळी त्यांच्याकडे एक अनोळखी व्यक्ती आली. त्यांनी मी सीबीआयमध्ये पोलिस आहे असे सांगितले. सुरक्षेसाठी तुमच्याकडील साेनं, अंगठ्या माझ्याकडे द्या अशी मागणी केली.

त्यानंतर परंडेकर यांनी त्यांच्या बोटातील सोन्याच्या अंगठ्या अज्ञातांना दिल्या. परंडेकर यांच्या फिर्यादीनूसार दोन सोन्याच्या अंगठ्या एकुण 50,000 रुपये किंमतीच्या हाेत्या. आनंदनगर पोलिस घटनेचा अधिक तपास करीत आहेत.

Edited By : Siddharth Latkar