मंचर, खेड, चाकण पोलिस ठाण्याच्या हद्दीतून दुचाकी चोरी करणाऱ्या दोन अल्पवयीन मुलांसह तिघांना मंचर पोलिसांनी ताब्यात घेतले. त्यांच्या जवळून एकूण 14 मोटरसायकल जप्त करण्यात आल्या आहेत. त्यातील 9 दुचाकींच्या मालकांचा शोध लागला असून 5 मोटरसायकलच्या मालकांचा शोध सुरु असल्याची माहिती पोलिसांनी दिली. याप्रकरणी पाेलिसांनी सुरज बिडकर आणि त्याच्या दोन अल्पवयीन साथीदारांवर गुन्हा दाखल केला आहे.
मंचर शहरात पाेलिस नाकाबंदी करत असताना त्यांना विना नंबर प्लेटच्या दुचाकीवर तिघे जण दिसले. पाेलिसांनी वाहनाबाबत चैकशी केली असता त्यांचेकडे कोणतीही कागदपत्रे मिळुन आली नाहीत. यावेळी पाेलिसांनी उडवाउडवीची उत्तरे देण्याचा प्रयत्न केला असता पाेलिसांनी त्यांना खाक्या दाखविताच संशयितांची भंबेरी उडाली.
दरम्यान पोलिसांनी वाहनाचे चासीस व इंजीन नंबर वरून वाहनाचा तपशिल घेतला असता संबंधित वाहन हे मंचर पोलिस ठाणे येथील चोरीचे गुन्हयातील असल्याचे निष्पन्न झाले. पाेलिसांना तिघांना ताब्यात घेतले. त्यांची अधिक चाैकशी केली असता त्यांच्याकडून एकुण 14 गाड्या जप्त करण्यात आल्या.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
