सोना कितना सोना है...याचं उत्तर 10 ग्रॅम साठी फक्त 1 लाख रुपये... अर्थात लग्नसराईत सोनं खरेदी करणारे आणि तसेच गुंतवणूक म्हणूनही सोन्याची खरेदी करणाऱ्यांचं टेन्शन वाढवणारी ही बातमी. गेल्या काही दिवसांत सतत वाढणाऱ्या सोन्याच्या दराने 1 लाखांचा टप्पा पार केलाय.. त्यामुळे सोनं खरेदी करणाऱ्यांचा खिसा आणखी रिकामा होणार आहे. सोन्याचे दर 1 लाख 1 हजार 400 रुपये प्रतितोळ्यावर पोहोचलाय..साहजिकचं सर्वसामान्यांना सोनं एवढं भाव का खातंय असा प्रश्न पडलाय..त्याचीच उत्तर जाणून घेऊ...

सोनं भाव का खातंय? -

- चीन आणि अमेरिकेतील व्यापार युद्ध

- जागतिक अर्थव्यवस्थेतील अस्थिरतेचा परिणाम, मंदीची भीती

- सुरक्षित गुंतवणुकीचा पर्याय म्हणून सोन्याच्या गुंतवणुकीकडे कल

- अधिक परताव्यासाठी सोनं खरेदीचा गुंतवणूक तज्ज्ञांचा सल्ला

- मागणी वाढल्याने सोन्याच्या दरात उसळी

तर भविष्यातील गुंतवणूकीसाठी सोनंच उत्तम पर्याय असल्याचा सल्ला तज्ञांनी दिलायं...

देशातंर्गत बाजारात सोनं नव्या उच्चांकावर आहे. या वर्षात शेअर बाजारात चढ उतार दिसून आला. त्याचवेळी सोनं बाजारानं नवे विक्रम केले. सोनं आतापर्यंतचे सर्व विक्रम मोडत लाखाच्या पार पोहचलंय.. त्यामुळे गुंतवणुकदारांना सोन्यातून सोन्यासारखा परतावा मिळालाय. तर सर्वसामान्यांच्या आवाक्याबाहेर सोनं खरेदी गेलीये. सोनं आणखी भाव खाणार की पुन्हा घसरणार हेच पाहायचं.