आयुष्यात सातत्याने प्रयत्न करणाऱ्या व्यक्तीला यश हे मिळतेच. यूपीएससी ही देशातील सर्वात अवघड परीक्षा आहे. ही क्रॅक करण्यासाठी दिवसरात्र एक करुन अभ्यास करावा लागतो. परंतु या प्रवासात अनेकदा अडथळे येतात. परंतु कितीही अडथळे आले तरीही आपण त्यातून मार्ग काढायचा असतो. असंच काहीसं IAS तस्कीन खान यांच्या आयुष्यात घडलं.

IAS तस्कीन खान यांनी आपली स्वप्न पूर्ण करण्यासाठी खूप प्रयत्न केले.तस्कीन खान यांना आयुष्यात खूपवेळा अपयश मिळालं तरीही त्या खचल्या नाही. त्यांनी पुन्हा एकदा प्रयत्न केले. त्यांनी आपल्या इच्छाशक्तीच्या आणि आत्मविश्वासाच्या जोरावर यूपीएससी परीक्षा क्रॅक केली.

डॉक्टर बनायचे होते स्वप्न

मिडिया रिपोर्टनुसार, तस्कीन यांनी मेडिकल फिल्डमध्ये करिअर करायचे होते. यासाठी त्यांनी नीटची परीक्षादेखील दिली होती. परंतु घरातील आर्थिक परिस्थिती चांगली नसल्याने त्यांनी मेडिकल फील्डमध्ये करिअर न करण्याचा निर्णय घेतला. त्यांचे डॉक्टर बनण्याचे स्वप्न अपूर्ण राहिले. त्यानंतर त्यांनी मॉडेलिंग करण्यास सुरुवात केली. एके काळी त्या प्रोफेशनल मॉडेलदेखील होत्या. तस्कीन यांनी पुढे मॉडेलिंग करिअर सोडून आयएएस बनण्याचा निर्णय घेतला.

तीन वेळा अपयश

तस्कीन खान यांनी तीन वेळा यूपीएससी परीक्षा (UPSC Exam) दिली. परंतु त्यांना अनेकदा अपयशाचा सामना करावा लागला. परंतु २०२२ मध्ये त्यांनी ७३६ रँक मिळवत यूपीएससी परीक्षा क्रॅक केली. त्यांच्या प्रयत्नाला शेवटी यश मिळाले.

तस्कीन या बास्केटबॉल चॅम्पियन होत्या. त्याचसोबत त्या नॅशनल लेव्हलला डिबेटरदेखील होत्या. त्यांनी २०१६-१७ मध्ये मिस उत्तराखंड आणि मिस देहारादून किताब पटकावला आहे. त्यांना पुढे विविध स्पर्धांमध्ये भाग घ्यायचा होता. परंतु काही कारणांनी ते शक्य झाले नाही.