केंद्रीय लोकसेवा आयोगाची परीक्षा ही सर्वात अवघड असते. यूपीएससी परीक्षा क्रॅक करण्यासाठी खूप जास्त मेहनत घ्यावी लागते. यशासाठी कोणताही शॉर्टकट नसतो. जर तुम्हाला तुमच्यावर विश्वास असेल तर तुम्ही कोणतीही परीक्षा क्रॅक करु शकतात. असाच विश्वास सुलोचना मीना यांना स्वतः वर होता. त्यांनी कोणत्याही कोचिंग क्लासेसशिवाय यूपीएससी परीक्षा क्रॅक केली आहे.

आयएएस सुलोचना मीना (IAS Sulochana Meena) या मूळच्या राजस्थानच्या सवाई माधोपुरच्या रहिवासी. त्या आपल्या जिल्ह्यातील पहिला महिला आयएएस अधिकारी आहेत. त्यांनी २०२१ मध्ये यूपीएससी परीक्षा क्रॅक केली आहे. वयाच्या फक्त २२ व्या वर्षी त्यांनी हे यश मिळवलं आहे. आयएएस व्हायचे हे त्यांचे लहानपणापासूनचे स्वप्न होते. ते त्यांनी पूर्ण केले.

पहिल्याच प्रयत्नात आयएएस अधिकारी (IAS In First Attempt)

सुलोचना मीना यांनी वयाच्या फक्त २२ व्या वर्षी यूपीएससी परीक्षा क्रॅक केली आहे. २०२० मध्ये ग्रॅज्युएशन पूर्ण झाल्यानंतर त्यांनी यूपीएससी परीक्षेची तयारी केली. याचसोबत त्या रोज वर्तमानपत्र वाचायच्या. त्यांना आजूबाजूच्या जगात काय चाललंय याबाबत सर्व माहिती असायची. त्यांनी दिवसरात्र एक करुन अभ्यास केला आहे.

सुलोचना यांनी एनसीईआरटीची पुस्तके वाचली. यातून त्यांना चांगला फायदा झाला. त्यांनी ४० ते ५० टेस्ट सीरीज दिल्या. यामुळे त्यांना खूप फायदा झाला. त्या भारतातील सर्वात तरुण आयएएस ऑफिसर्सपैकी एक आहेत.