प्रत्येकाने आपले भविष्य आर्थिकदृष्ट्या सुरक्षित व्हावे, यासाठी आतापासूनच गुंतवणूक करायला हवी. वेगवेगळ्या योजना, एसआयपी, म्युच्युअल फंडमध्ये गुंतवणूक केल्यावर तुम्हाला चांगला परतावा मिळेल. याचसोबत जर तुम्हाला सुरक्षित आणि जास्त परतावा देणाऱ्या योजनेत गुंतवणूक करायची असेल तर सिनियर सिटीजन सेव्हिंग स्कीम हा उत्तम पर्याय आहे. या योजनेत तुम्हाला सेवानिवृत्तीनंतर चांगली रक्कम मिळणा आहे.

सिनियर सिटीजन ही अशी योजना आहे की ज्यात ६० किंवा त्यापेक्षा जास्त वयोगटातील नागरिक गुंतवणूक करु शकतात. जर एखाद्या कर्मचाऱ्याने ५५ व्या वर्षी सेवानिवृत्ती घेतली असेल तर तेदेखील गुंतवणूक करु शकतात. या योजनेत तुम्ही सिंगल आणि जॉइंट अकाउंट उघडू शकतात. सिंगल अकाउंटमध्ये १५ लाख रुपये गुंतवू शकतात तर जॉइंट अकाउंटमध्ये ३० लाख रुपये गुंतवू शकतात.

सिनियर सिटीजन सेव्हिंग स्कीममध्ये तुम्हाला सर्वाधिक व्याजदर मिळणार आहे. या योजनेत ८.२ टक्के व्याजदर मिळते. जर तुम्ही ६० व्या वर्षी ३० लाख रुपये गुंतवले तर तुम्हाला आकर्षक व्याज मिळणार आहे. या योजनेत तुम्हाला फक्त व्याजातूनच ६१५०० रुपये मिळणार आहे. वर्षाला तुम्हाला २,४६,००० रुपये व्याज मिळणार आहे. तुम्ही ५ वर्षांसाठी गुंतवणूक केली तर तुम्हाला चांगला परतावा मिळणार आहे. या योजनेत तुम्ही गुंतवणूकीचा कालावधीदेखील वाढवू शकतात. सरकार या योजनेच्या व्याजदरात बदल करत असते.

तुम्ही जर या योजनेत ५ वर्षांसाठी गुंतवणूक केली तर वयाच्या ६५ व्या वर्षी तुमच्या हातात चांगली रक्कम असणार आहे. यामुळे तुम्हाला भविष्यात कोणतीही अडचण येणार नाही. तुम्हाला या योजनेतून मिळणाऱ्या पैशांनी खूप फायदा होणार आहे.