रिझर्व्ह बँक ऑफ इंडियाने देशातील बँकांसाठी नवीन नियम जारी केले आहेत. बँकांसाठी खात्यांवरील व्याजदराबाबत नवीन नियम केले आहे. या नियमांनुसार, देशातील सर्व बँका १ लाखांपर्यंतच्या बचत खात्यातील शिल्लक रक्कमेवर एकसमान व्याजदर देणार आहे. १ लाखांपेक्षा जास्त रक्कम असलेल्या खात्यांसाठी वेगवेगळे व्याजदर लागू करु शकतात.

सध्याच्या नियमांनुसार, बँक बचत खात्यांवर वेगवेगळे व्याजदर देते. आता आरबीआयने खात्यांवरील व्याजदर दोन भागांमध्ये विभागण्याचे आदेश दिले आहेत. प्रत्येक दिवसाच्या शेवटी खात्यातील शिल्लक रक्कमेवर आधारित व्याज आकारले जाईल. बँका दर तीन महिन्यांनी खात्यात व्याज जमा करतात.

किमान कालावधीपूर्वी एफडी मोडल्यास व्याज नाही

आरबीआयने बचत आणि चालू बँक खात्याच्या नियमांमध्ये बदल केले आहे. यामध्ये बँकेने दिलेल्या किमान कालावधीच्या आधी एफडी मोडली तर त्यावर कोणतेही व्याजदर मिळणार नाही. आरबीआयने एफडीसाठी सात दिवसांची मुदत निश्चित केली आहे. बँका आपल्या सोयीनुसार जास्त कालावधी निश्चित करु शकतात.

नवीन नियमांनुसार, जर किमान मुदत संपल्यानंतर तुम्ही एफडी मोडली तर त्या कालावधीसाठीचे व्याज तुम्हाला मिळेल. फक्त बँकेत राहिलेल्या पैशांवर तुम्हाा व्याजदर मिळणार आहे.

बँकांना नियम स्पष्ट करण्याचे आदेश

बँकांना त्यांच्या ग्राहकांना हे नियम स्पष्ट करावे लागणार आहे. एफडीवर व्याजदर किंवा परताव्याबाबतचे नियम सांगावे लागणार आहेत. याचसोबत सर्व शाखांमध्ये व्याजदर हे सारखे असणार आहे.

बँकांसाठी नवीन नियम

बँक कर्मचारी, निवृत्त कर्मचारी किंवा कुटुंबातील सदस्यांना एफडी आणि बचत खात्यांवर १ टक्के अतिरिक्त व्याज दिले जाऊ शकते.

बँक आपल्या इच्छेनुसार, ज्येष्ठ नागरिकांसाठी जास्त व्याजदर असलेली एफडी स्कीम चालवू शकतात.

मुदत ठेव जर मुदतीपूर्वी काढली तर व्याजदर जे कमी असेल त्यानुसार मिळणार आहे. म्हणजेच बचत खात्याचे व्याजदर आणि टीडीवरील मूळ व्याजदर यापेकी कमी असलेले व्याजदर तुम्हाला मिळणार आहे.