EPFO: सेवानिवृत्तीनंतर किती कालावधीत PF चे पैसे काढायचे? वाचा काय सांगतो EPFOचा नियम

संघटित क्षेत्रात काम करणाऱ्या कर्मचाऱ्याचे पीएफ अकाउंट असते. पीएफ अकाउंटमध्ये दर महिन्याला कर्मचाऱ्याच्या पगारातील ठरावीक रक्कम जमा केली जाते.ही एक प्रकारची गुंतवणूक असते . पीएफचे हे पैसे तुम्हाला काही ठरावीक कामांसाठी किंवा रिटायरमेंटनंतर मिळतात. निवृत्तीनंतर किती कालावधीत पीएफचे पैसे काढू शकतात. याबाबत माहिती जाणून घ्या.

पीएफमधील रक्कमेवर तुम्हाला व्याजदर मिळते. दरम्यान, सेवानिवृत्तीनंतर पीएफ अकाउंट बंद होते का किंवा त्यावर मिळणारे व्याजदर बंद होते का असे अनेक प्रश्न कर्मचाऱ्यांना पडलेले असतात. यासाठी काही नियम तयार केले आहेत. तुम्ही नोकरी सोडल्यावर, नोकरी बदलल्यावर किंवा सेवानिवृत्तीनंतर पीएफचे पैसे काढू सकतात.

ईपीएफओ फक्त काही ठरावीक काळानंतर व्याज देते. यानंतर पीएफ अकाउंट बंद होते. दरम्यानन, किती कालावधीनंतर हे अकाउंट बंद होते ते जाणून घ्या.

रिटायरमेंटनंतर किती कालावधीपर्यंत मिळते व्याज

नियमांनुसार, कर्मचाऱ्यांनी जर ५५ ते ५८ वर्ष या कालावधीत नोकरी सोडली तर त्यांना ३ वर्षांसाठी व्याज मिळते. तुमच्या अकाउंटमध्ये कोणतेही कॉन्ट्रिब्युशन असो किंवा नसो तरीही तुम्हाला पैसे व्याज मिळते. जर तुम्ही ३ वर्षात पैसे काढले नाही तर तुमचे खाते निष्क्रिय केले जाते.

पेन्शन कधी मिळते?

जर कर्मचारी ईपीएफओमध्ये पैसे जमा करत असेल तर त्याला १० वर्षानंतर पेन्शन मिळते. ही पेन्शन ५८ वर्षे पूर्ण झाल्यानंतर मिळते. तुम्ही ५० व्या वर्षापासून पेन्शन घेऊ शकतात मात्र, यामध्ये कपात केली जाईल.