केंद्र सरकारने महिलांसाठी खास पीएम उज्जवला योजना राबवली आहे. या योजनेत महिलांना मोफत गॅस सिलिंडर दिले जातात. दरम्यान, आता दोन गॅस सिलिंडर रिफिल करण्यासाठी १८३० रुपये दिले जाणार आहेत. एक गॅस सिलिंडर रिफिल करण्यासाठी ९१५ आणि दुसऱ्यांदा गॅस सिलिंडर रिफिल करताना ९१५ रुपये मिळणार आहे. दिवाळीच्या मूहूर्तावर उत्तर प्रदेश सरकारने महिलांना गिफ्ट दिले आहे.मुख्यमंत्री योगी आदित्यनाथ यांनी याबाबत घोषणा केली आहे.

बुधवारी लखनऊ येथे या योजनेची सुरुवात केली. दरम्यान, याच कार्यक्रमात महिलांना सब्सिडीचे चेकदेखील देण्यात आले आहे. हे पैसे महिलांच्या बँक खात्यात जमा केले जाणार आहेत.

गोरखपुर जिल्ह्यातील एकूण दोन लाख ९३ हजार महिला उज्जवला योजनेच्या लाभार्थी आहेत. या महिलांना आता अतिरिक्त गॅस सिलिंडर दिला जात आहे. पूर्वी महिला चुलीवर जेवण बनवायच्या. यामुळे त्यांना त्रास व्हायचा. दरम्यान, चुलीच्या धुरापासून त्यांची मुक्तता करण्यासाठी ही योजना सुरु केली आहे.

काय आहे योजना? (What Is Ujjawala Yojana)

लाभार्थी महिलांना सिलिंडर भरताना रोख रक्कम द्यावी लागते. यानंतर आधारवर आधारित पेमेंटद्वारे सब्सिडीची रक्कम महिलांचया बँक खात्यात जमा केली जाते. एका गॅसची रक्कम ९१५ रुपये आहे. ज्यात केंद्र सरकार ३५९ रुपये देते तर राज्य सरकार ५५६ रुपये देते.

उज्जवला ३.० योजना लवकरच सुरु होणार (Ujjawala Yojana 3.0)

दरम्यान, याबाबत माहिती देताना अधिकाऱ्यांनी संगितले की, प्रधानमंत्री उज्जवला योजना ३.० लवकरच सुरु होणार आहे. या योजनेत ज्या महिलांना गॅस कनेक्शन मिळाले नाही त्या महिला अर्ज करु शकतात.

पात्रता (PM Ujjawala Yojana Eligibility)

अनुसुचित जाती, जमातीमधील महिला या योजनेसाठी अर्ज करु शकतात. महिलांचे वय १८ वर्षे पूर्ण असावे. महिलांच्या नावावर गॅस कनेक्शन असावे. कुटुंबातील इतर कोणत्याही व्यक्तीकडे एलपीजी गॅस कनेक्शन नसावे.