Viral Video: लखनऊ - बरौनी एक्सप्रेसमध्ये सापडल्या 325 दारूच्या बाटल्या; रेल्वे प्रशासनाची मोठी कारवाई

रेल्वेने प्रवास करताना प्रवाशांना काळजी घेणे महत्वाचे आहेत. रेल्वेचे काही नियम आहेत ते पाळणे अनिवार्य आहेत. रेल्वेतून मद्यपान करण्यास मनाई आहे तरीदेखील अनेक लोक या चुका करतात. यामुळे इतर प्रवाशांनादेखील त्रास होतो. रेल्वेमध्ये मद्यपान करण्यास आणि नेण्यास मनाई असताना देखील अनेकजण चुका करतात. नुकतंच बिहारमध्ये रेल्वेत दारू जप्त करण्यात आली आहे. रेल्वेच्या छतावर दारूच्या बॉटल्स सापडल्या आहेत. संपूर्ण प्रकरणाची माहिती मिळताच रेल्वे प्रशासनाने कारवाई केली आहे.

बिहारमध्ये दारूबंदी असूनही तस्करीच्या नवनवीन पद्धती वापरल्या जात आहेत. १२ ऑगस्ट रोजी असाच धक्कादायक प्रकार रेल्वेमध्ये घडला आहे. लखनऊ जंक्शन आणि बरौनी दरम्यान धावणाऱ्या १५२०४ डाउन लखनौ-बरौनी एक्सप्रेसच्या सेकंड एसी कोचच्या छतामधून सुमारे ३२५ बाटल्या (५७ लिटर) दारू जप्त करण्यात आली.

मिळालेल्या माहितीनुसार, रेल्वे जीआरपी एस्कॉर्ट टीम पथक हजर घटनास्थळी दाखल झाले. त्यांनी संपूर्ण प्रकरणाचा तपास लावला त्यावेळी शोध पथकास ३२५ दारूच्या बाटल्या हाती लागल्या आहेत. या प्रकरणाचा तपास करत रेल्वे जीआरपीने आरोपीविरुद्ध उत्पादन शुल्क कायद्यांतर्गत गुन्हा दाखल केला आहे. ईशान्य रेल्वेचे सीपीआरओ पंकज कुमार सिंह यांनी घटनेची पुष्टी देत सांगितले की आरोपीविरुद्ध कायदेशीर योग्य ती कारवाई करण्यात येईल.