Hingoli: सरकारने दिलेली नुकसान भरपाई रक्कम तुटपुंजी, शेतकऱ्यांनी उधळले पैसे; पाहा VIDEO

दोन आठवड्यापूर्वी राज्यातील अनेक जिल्ह्यांना पावसाने झोडपून काढले. अतिवृष्टीमुळे शेतीचे आणि घरांचे मोठे नुकसान झाले. हिंगोलीमध्ये पावसामुळे मोठे नुकसान झाले. या नुकसानग्रस्त शेतकऱ्यांना सरकारने मदत देण्यात सुरूवात केली आहे. राज्य सरकारकडून शेतकऱ्यांना अतिवृष्टी नुकसान भरपाई झाल्याची मदत खात्यावर मिळाली आहे. मात्र ही मदत तुटपुंजी असल्याचा आरोप करत रविकांत तुपकर यांच्या क्रांतिकारी शेतकरी संघटनेच्या कार्यकर्त्यांनी शेतकऱ्यांना सोबत घेऊन गोरेगाव अप्पर तहसील कार्यालयाच्या पुढे ही रक्कम फेकून दिली.

विशेष म्हणजे सरकारने जाहीर केलेल्या ३० हजार कोटी रुपयांच्या पॅकेजमधून हिंगोली आणि सेनगाव तालुका देखील वगळला आहे. त्यामुळे या तालुक्यातील शेतकऱ्यांसह क्रांतिकारी शेतकरी संघटनेचे पदाधिकारी आक्रमक झाले आहेत. सरकारने नुकसान झालेल्या बळीराजाला हेक्टरी ५० हजार रुपये द्यावे अशी मागणी शेतकऱ्यांनी केली आहे.