देशातील कोट्यवधी शेतकरी पीएम किसान योजनेचा लाभ घेत आहेत. शेतकरी आता पीएम किसान योजनेच्या २१व्या हप्त्याची वाट पाहत आहेत. ऑक्टोबर महिना संपत आला तरीही शेतकऱ्यांना पैसे मिळालेले नाहीत. त्यामुळे शेतकऱ्यांच्या मनात अनेक प्रश्न निर्माण झाले आहे. दरम्यान, हा हप्ता कधी येणार याबाबत कोणतीही अपडेट समोर आलेली नाही.

केंद्र सरकारने २०१९ मध्ये पीएम किसान योजना सुरु केली होती. या योजनेत शेतकऱ्यांना वर्षातून ३ हप्त्यांमध्ये ६००० रुपये दिले जातात. आतापर्यंत २० हप्ते जमा करण्यात आले आहेत. पुढील हप्ता कधी येणार असा प्रश्न विचारला जात आहे. दरम्यान, अनेक राज्यातील शेतकऱ्यांना २१ वा हप्ता देण्यात आला आहे. पूरग्रस्त भागातील शेतकऱ्यांच्या खात्यात २००० रुपये जमा झाले आहेत. इतर राज्यातील शेतकऱ्यांना आता कधी पैसे मिळणार

मिडिया रिपोर्टनुसार, सरकार पुढच्या महिन्यात शेतकऱ्यांना खुशखबर देऊ शकतात. नोव्हेंबरच्या पहिल्या आठवड्यात २१वा हप्ता दिला जाऊ शकतो. दिवाळीआधी हप्ता येण्याची शक्यता वर्तवली जात होती. मात्र, असं काहीच झालं नाही. त्यानंतर अजूनही हप्त्याबाबत घोषणा जालेली नाही.

या शेतकऱ्यांना मिळणार २१वा हप्ता (Only These Farmers Will get PM Kisan Yojana Installment)

या योजनेत फक्त निकषात बसणाऱ्या शेतकऱ्यांनाच योजनेचा लाभ मिळतो. तसेच योजनेचा लाभ मिळवण्यासाठी तुम्हाला ई केवायसी करणे आवश्यक आहे. याचसोबत जमिनीच्या नोंदीचे व्हेरिफिकेशन होणे आवश्यक आहे. जे शेतकरी ई केवायसी करणार नाही त्यांना योजनेचा लाभ मिळणार नाही. दरम्यान, तुम्ही लिंक केलेले बँक अकाउंट योग्य आहे की नाही, याचीही पडताळणी करा.

पैसे आले की नाही कसं चेक करायचं? (PM Kisan Yojana Installment Come or Not Check)

पीएम किसान योजनेचा पुढचा हप्ता आला की नाही हे तुम्ही अधिकृत पोर्टलवर जाऊन चेक करा. लॉग इन केल्यानंतर तुम्हाला स्टेट्सवर क्लिक करायचे आहे. यानंतर तुम्हाला हप्ता आला की नाही याची माहिती मिळणार आहे. याचसोबत तुम्हाला केवायसी, जमिनीची पडताळणी याबाबत माहितीदेखील अपडेट करता येणार आहे.