मराठी अस्मितेच्या मुद्द्यावरून सुरू झालेला शिवसेनेचा दसरा मेळावा राजकीय आणि सामाजिक सत्तासंघर्षाचा साक्षीदार आहे. मात्र, गेल्या चार वर्षांपासून शिवसेनेचे दोन मेळावे होताहेत. एक शिंदेसेनेचा आणि दुसरा ठाकरेसेनेचा... अशातच आता यंदाचा ठाकरेसेनेचा दसरा मेळावा नव्या कारणानं चर्चेत आलाय. ठाकरेसेनेच्या दसरा मेळाव्याचं नवं पोस्टर समोर आलंय. गेल्या काही महिन्यांत राज्यातील विविध प्रश्नांवर आणि तरुणांच्या ज्वलंत मुद्यांवर रस्त्यावर उतरून आक्रमक आंदोलनं करणाऱ्या आदित्य ठाकरेंचा खास फोटो या पोस्टरवर वापरण्यात आलाय.
गेल्या काही महिन्यांत राज्याच्या आणि देशाच्या राजकारणात घडलेल्या घडामोडींच्या पार्श्वभूमीवर ठाकरेसेनेने आक्रमक पवित्रा घेतल्याचं दिसून येतंय. 10 ऑक्टोबरच्या शिवाजी पार्कातल्या आंदोलनात पोलिसांनी सीजेपी कार्यकर्त्यांवर केलेल्या कारवाईविरोधात आदित्य ठाकरे थेट मैदानात उतरले होते.
पोलिसांची गाडी अडवून त्यांनी आपलं आक्रमक नेतृत्व दाखवून दिलं होतं. त्यामुळे या मेळाव्यावर त्यांचीच छाप असण्याचे संकेत ठाकरेसेनेनं प्रसिद्ध केलेल्या टीझरमधून दिले आहेत. त्यामुळे आदित्य ठाकरेंची या दसऱ्या मेळाव्यात शिवसेनेचे नवे कार्याध्यक्ष म्हणून घोषणा होणार की काय ? अशी जोरदार चर्चा यानिमित्तानं रंगू लागलीय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.