देशात रोज पेट्रोल डिझेलचे नवे दर जाहीर होत असतात. गेल्या काही दिवसांपासून पेट्रोल डिझेलच्या दरात फारसा बदल झालेला नाही. परंतु सीएनजी आणि पीएनजी गॅसच्या किंमती १.५० रुपयांनी वाढल्या आहे. त्यामुळे वाहनधारकांची चिंता आता वाढल्याचे दिसत आहे.

देशातील पेट्रोल डिझेलचे भाव हे आंतरराष्ट्रीय बाजारातील कच्च्या तेलाच्या किंमतीवर अवलंबून असतात. आंतरराष्ट्रीय बाजारात ब्रेंट क्रूड ऑइल ८६.३९ डॉलरवर विकले जात आहे. तर WTI क्रूड ऑइलची किंमत ८२.८६ डॉलर आहे. याचाच परिणाम राज्यातील पेट्रोल डिझेलच्या भावावर होतो. जाणून घेऊया पेट्रोल- डिझेलचे भाव.

महानगरांमधील पेट्रोल डिझेलचे भाव

मुंबईत पेट्रोलची किंमत १०३.४४ रुपये प्रति लिटर आहे तर डिझेलची किंमत ८९.९७ रुपये प्रति लिटर आहे. दिल्लीत पेट्रोल ९४.७२ रुपये प्रति लिटर विकले जात आहे तर डिझेलची किंमत ८७.६२ रुपये आहे. कोलकत्तामध्ये पेट्रोलची किंमत १०४.९५ रुपये आहे तर डिझेलची किंमत ९१.७६ रुपये आहे. चेन्नईत पेट्रोलचा दर १०३.४४ रुपये प्रति लिटर आहे तर डिझेलची किंमत ९२.३४ रुपये प्रति लिटर आहे.

महाराष्ट्रातील पेट्रोल डिझेलची किंमत

पुण्यात पेट्रोलची किंमत १०४.५३ रुपये आहे तर डिझेलची किंमत ९१.०४ रुपये आहे.ठाण्यात पेट्रोलची किंमत १०३.५१ रुपये आहे तर डिझेलची किंमत ९०.०३ रुपये आहे.नाशिकमध्ये पेट्रोलची किंमत १०४.६४ रुपये प्रति लिटर आहे तर डिझेलची किंमत ९१.१२ रुपये आहे. नागपूरमध्ये पेट्रोलची किंमत १०३.९६ रुपये प्रति लिटर आहे तर डिझेलची किंमत ९०.५२ रुपये प्रति लिटर आहे.कोल्हापूरमध्ये पेट्रोलची किंमत १०५.३६ रुपये आहे तर डिझेलची किंमत ९१.८७ रुपये प्रति लिटर आहे.अहमदनगरमध्ये पेट्रोलची किंमत १०४.५४ रुपये आहे तर डिझेलची किंमत ९१.०६ रुपये आहे. छत्रपती संभाजी नगरमध्ये पेट्रोलची किंमत १०५.१२ रुपये आहे तर डिझेलची किंमत ९१.६२ रुपये आहे.