मुख्यमंत्री माझी लाडकी बहीण योजनेचा लाभ घेणाऱ्यांसाठी आनंदाची बातमी आहे. गेल्या अनेक आठवड्यांपासून लाडक्या बहिणीचे हप्ता खात्यात जमा झाला नव्हता.त्यामुळे लाडक्या बहि‍णी मे महिन्याच्या हप्त्याची प्रतिक्षा करत होत्या. १५ जून रोजी संध्याकाळी लाडक्या बहीणींच्या खात्यात पैसे जमा व्हायला सुरुवात झाली आहे. येत्या २ दिवसांत सर्व पात्र लाडक्या बहि‍णींच्या खात्यात पैसे जमा केले जाणार आहेत.

लाडकी बहीण योजनेचा शेवटचा हप्ता हा गेल्या महिन्यात आला होता. त्यामध्ये मार्च - एप्रिल महिन्याचा हप्ता एकत्र देण्यात आला होता. तर या महिन्यात सरकारने मे महिन्याचा हप्ता जमा केला आहे. तर यामध्ये राज्यातल्या १ कोटी ७७ लाख महिलांना हप्ता पाठवण्यात येईल. याने सरकारचा महिलांना आर्थिकदृष्ट्या सक्षम होण्याचा उद्देश पूर्ण होईल. जर तुमच्या खात्यात मे महिन्याचा हप्ता आला नसेल तर तुम्ही पुढील पद्धतीने तपासू शकता. ही प्रोसेस अगदी सोपी आहे.

लाडकी बहीण योजनेचा हप्ता कसा तपासायचा?

स्टेप १

सर्वात आधी बँक खातं अपडेट करा. मोबाईल बँकिंग, नेट बँकिंग किंवा ATM चे स्टेटमेंटचे व्यवहार तपासा. कारण जेव्हा हप्ता दिला येतो त्याचा एसएमएस पाठवला जातो.

स्टेप २

तुमचं बँक खातं आधारशी जोडलेलं आहे का ते तपासा. बँकेत जाऊन किंवा बँकेच्या ग्राहक सेवा केंद्रात चौकशी करा. कारण आधार सीडिंगमध्ये काही चूक असेल तर हप्ता अडकू शकतो.

स्टेप ३

तुम्ही लाडकी बहीण योजनेच्या अधिकृत पोर्टल किंवा अॅपवर लॉगिन करा. अर्ज क्रमांक किंवा लिंक केलेला मोबाईल नंबर वापरून स्टेटस तपासा. अर्ज "Approved", "Pending" किंवा "Rejected" आहे का तेही तपासा. अशा पद्धतीने तुम्ही लाडकीचा हप्ता तपासू शकता.