राज्य सरकारने मुख्यमंत्री माझी लाडकी बहीण योजना सुरु केली आहे. या योजनेत महिलांना दीड हजार रुपये दिले जाते.या योजनेत फक्त ईकेवायसी केलेल्या महिलांना लाभ दिला जात आहे. दरम्यान, ज्यांची ईकेवायसीत चुकी झाली आहे त्यांना दुरुस्ती करण्याची संधी देण्यात आली आहे. लाडकी बहीण योजनेत ईकेवायसीत दुरुस्ती करण्यासाठी ३१ मार्चपर्यंत मुदत देण्यात आली आहे. दरम्यान, याबाबत अनेक अफवा परसवल्या जात आहे.ईकेवायसी करण्याची मुदत संपली असल्याची बातमी सध्या व्हायरल होत आहे. यावर आता स्वतः महिला व बालविकास मंत्री आदिती तटकरेंनी माहिती दिली आहे.

आदिती तटकरे काय म्हणाल्या? (Aditi Tatkare on Ladki Bahin Yojana)

आदिती तटकरेंनी लाडक्या बहि‍णींना कोणत्याही तथ्यहीन बातमीवर विश्वास न ठेवण्यास सांगितले आहे. त्यांनी म्हटलंय की, मुख्यमंत्री माझी लाडकी बहीण योजनेतील लाभार्थ्यांच्या कपातीबाबत काही माध्यमांकडून प्रसारित करण्यात आलेल्या बातम्या चुकीच्या व तथ्यहीन आहेत.

दिनांक ३१ मार्च २०२६ पर्यंत लाडक्या बहिणींना E-Kyc करण्याची संधी देण्यात आलेली आहे. ही प्रक्रिया अजूनही सुरू असून याबाबत अद्याप कोणतीही अधिकृत माहिती विभागाकडून प्रसिद्ध करण्यात आलेली नाही.या संदर्भात कोणतेही वृत्त प्रसारित करण्यापूर्वी माध्यमांनी तथ्यांची पडताळणी करावी ही नम्र विनंती, असं त्यांनी म्हटलं आहे.

ईकेवायसी करण्यासाठी शेवटची संधी ( Ladki Bahin Yojana eKYC Deadline)

यामुळे लाडक्या बहि‍णींच्या मनातील संभ्रम दूर झाला आहे. केवायसी करण्याची शेवटची तारीख ३१ मार्च आहे. त्यामुळे महिलांकडे केवायसी करण्यासाठी अजून १० दिवस आहेत. लाभार्थी महिलांना जर ईकेवायसीत दुरुस्ती करायची असेल तर तुमच्याकडे उत्तम संधी आहे.पुढच्या आठवड्याभरात तुम्हाला हे काम करायचे आहे.