लाडकी बहीण योजनेच्या लाभार्थ्यांना दर महिन्याला १५०० रुपये मिळतात. लाडकी बहीण योजनेत गरीब कुटुंबातील महिलांना आर्थिक मदत केली जाते. या योजनेत जवळपास अडीच कोटी महिलांचे अर्ज मंजुर झाले होते. सुरुवातीला अडीच कोटी लाभार्थी होत्या. त्यानंतर पडताळणीत अपात्र ठरल्यानंतर ही संख्या कमी झाली. दरम्यान, आता या योजनेतील महिलांची आकडेवारी समोर आली आहे.

लाडकी बहीण योजनेची आकडेवारी

टाईम्स ऑफ इंडियाच्या रिपोर्टनुसार, सुरुवातीला जेव्हा २.५ कोटी महिलांना लाभ मिळत होता त्यातील ८३ टक्के महिला या विवाहित होत्या. ११.८ टक्के महिला अविवाहीत होत्या.तर ज्या महिलांच्या नवऱ्याचे निधन झाले आहे त्यांची संख्या ४.७ टक्के आहे. घटस्फोटीत महिलांची संख्या १ टक्क्यापेक्षादेखील कमी आहे. या महिला ०.३ टक्के आहेत.

लाडकी बहीण योजनेत ३० ते ३९ वयोगटातील सर्वाधिक महिला लाभ घेत आहे. या महिलांची संख्या २९ टक्के आहे. २१ ते २९ वयोगटातील महिलांची संख्या २५.५ टक्के आहे. ४० ते ४९ वयोगटातील महिलांची संख्या २३.६ टक्के आहे. २१ ते ३९ या वयोगटातील महिलांची संख्या ७८ टक्के आहे. ६० ते ६५ वयोगटातील महिलांची संख्या फक्त ५ टक्के आहे.

लाडकी बहीण योजनेच्या सर्वाधिक लाभार्थी या पुणे जिल्ह्यातील आहेत. यानंतर नाशिक आणि अहिल्यानगरमधील सर्वाधिक महिलांनी या योजनेचा लाभ घेतला आहे. कोकणातील सिंधुदुर्ग जिल्ह्यातील सर्वात कमी महिला योजनेचा लाभ घेत आहेत. विदर्भातील गडचिरोलीमधील सर्वाधिक कमी महिला योजनेचा लाभ घेत आहे.

लाडकी बहीण योजनेचे निकष काय? (Ladki Bahin Yojana Eligibility)

लाडकी बहीण योजनेतून १ कोटींपेक्षा जास्त महिलांचे अर्ज बाद करण्यात आले आहे. योजनेच्या निकषात न बसणाऱ्या महिलांना वगळण्यात आले आहे. यामध्ये फक्त २१ ते ६५ वयोगटातील महिला लाभ घेऊ शकतात. ज्या महिलांच्या कुटुंबाचे उत्पन्न २.५ लाखांपेक्षा कमी आहे त्यांनाच योजनेचा लाभ मिळणार आहे. एका कुटुंबातील फक्त २ महिलांनाच योजनेचा लाभ मिळणार आहे. यातील एक विवाहित आणि १ अविवाहित महिला असावी.