Ladki Bahin Yojana: लाडक्या बहिणींच्या निधीत कपात; ९५०० कोटी कापले; नेत्यानं थेट आकडेवारीच दिली

लाडकी बहीण योजनेबाबत अर्थसंकल्पात महत्त्वाचा निर्णय घेण्यात आला आहे. लाडकी बहीण योजनेसाठी २६५०० कोटींची तरतूद केली आहे. २०२६-२७ साठी ही तरतूद करण्यात आली आहे. दरम्यान, मागच्या वर्षीच्या तुलनेत या वर्षीच्या निधीत २६ टक्क्यांनी कपात करण्यात आली आहे. एकूण ९५०० रुपयांची कपात केली आहे. त्यामुळे विरोधकांनी सरकारवर हल्लाबोल केला आहे.

विधानसभा निवडणुकीपूर्वी लाडकी बहीण योजनेचा हप्ता वाढवण्याची घोषणा केली होती. मात्र, अजूनही याबाबत निर्णय झालेला नाही. त्याचसोबत आता निधीमध्ये घट केल्याने अजूनच कपात केली आहे. त्यामुळे लाडक्या बहिणी अपात्र ठरवल्या जात आहेत का असा प्रश्न विचारला जात आहे. रोहिणी खडसे यांनी सरकारवर घणाघात केला आहे.

रोहिणी खडसे काय म्हणाल्या?

रोहिणी खडसे म्हणाल्या की, आता या क्षणाला विधिमंडळात महिला शेतकऱ्यांच्या सक्षमीकरण या विषयावर चर्चा सुरु आहे. मुख्यमंत्री, उपमुख्यमंत्री, मंत्र्यांनी भाषणे केली. तर दुसरीकडे आतापर्यंत १.० कोटी लाडक्या बहि‍णींना अपात्र ठरवले. हा सरकारचा दुटप्पीपणा आहे? विधानसभा निवडणूकीच्या आधी सुरु केलेल्या या योजनेची आज परिस्थिती काय? निवडणूक होती तेव्हा शासनाने लाडक्या बहि‍णींना पैसे दिले, आता निवडणुकीनंतर लाडक्या बहि‍णींवरचे प्रेम कमी होऊ लागले आहे. शासनाची ही वागणूक म्हणजे अपना काम बनता, अभी भाड में जाए जनता, अशा शब्दात शासनावर हल्लाबोल केला आहे.

रोहिणी खडसेंनी लाडकी बहीण योजनेच्या लाभार्थ्यांची आकडेवारी जाहीर केली आहे.

सुरुवातीचे लाभार्थी २.५३ कोटी

बजेट-४५,००० कोटी रुपये

तपासणी झाल्यावर लाभार्थ्यांची संख्या- १,४८,६०,०००

बजेटमध्ये तरतूद- २६,५०० कोटी

संभाव्य अपात्र महिला-१.०५ कोटी