Ladki Bahin Yojana: लाडकी बहीण योजनेबाबत महत्त्वाची अपडेट; अर्थसंकल्पात मुख्यमंत्री करणार मोठी घोषणा

राज्याचा अर्थसंकल्प येत्या दोन दिवसात सादर केला जाणार आहे. मुख्यमंत्री देवेंद्र फडणवीस विधानसभेत राज्याचा अर्थसंकल्प सादर करणार आहेत. या अर्थसंकल्पात २०२६-२७ साठी अनेक आर्थिक तरतूदी केल्या जातील. अर्थसंकल्पात लाडकी बहीण योजनेबाबत महत्त्वाची घोषणा केली जाऊ शकते. अर्थसंकल्पात लाडकी बहीण योजनेत २१०० रुपयांची घोषणा करण्याची शक्यता व्यक्त केली जात आहे. याबाबत कोणतीही अधिकृत घोषणा केलेली नाही.

लाडकी बहीण योजनेसाठी निधीची तरतूद

लाडकी बहीण योजनेसाठी २०२६-२७ साठी आर्थिक तरतूद केली जाणार आहे. वर्षभरासाठी निधी किती लागणार, याबाबत घोषणा केली जाते. लाडकी बहीण योजनेत मागच्या वर्षी ३६ हजार कोटी रुपयांची तरतूद केली होती. आर्थिक वर्ष २०२५-२६ साठी हा निधी वापरण्यात येणार होता. त्यानंतर आता पुढच्या २०२६-२७ साठी निधीची घोषणा केली जाईल.

अर्थसंकल्पात महत्त्वाचे निर्णय

राज्याच्या अर्थसंकल्पामध्ये महत्त्वाची घोषणा केली जाऊ शकते. यामध्ये शेतकऱ्यांसाठी, कर्जमाफीसंदर्भात निर्णय घेतले जाऊ शकतात.याचसोबत लाडकी बहीण योजनेसंदर्भात काय निर्णय होणार याकडे सर्वांचेच लक्ष लागले आहे.लाडकी बहीण योजनेचा निधी २१०० रुपये करण्याची घोषणा केली होती. मात्र, आता दोन वर्ष उलटून गेले तरीही अद्याप कोणताही निर्णय झालेला नाही. त्यामुळे या अर्थसंकल्पात निर्णय होणार की नाही याकडे सर्वांचेच लक्ष लागले आहे.