महाराष्ट्र सरकारची मुख्यमंत्री माझी लाडकी बहीण योजना सध्या चर्चेत आहे. लाडकी बहीण योजना सुरु होऊन १० महिने पूर्ण होतील. लाडकी बहीण योजनेत महिलांना दर महिन्याला १५०० रुपये मिळतात. लवकरच २१०० रुपयेदेखील दिले जातील, असं आश्वासन महायुती सरकारने दिले आहे. या योजनेत आतापर्यंत अडीच कोटी महिलांनी लाभ घेतला आहे.दरम्यान, या योजनेत अजूनही अर्ज करता येणार का? जर आतापासून या योजनेचा लाभ घ्यायचा असेल तर काय करावे? असे अनेक प्रश्न महिलांच्या मनात निर्माण झाले आहेत.

अजूनही लाडकी बहीण योजनेसाठी अर्ज करता येणार का?

लाडकी बहीण योजनेत (Ladki Bahin Yojana) अर्ज करण्याची शेवटची तारीख उलटून गेली आहे. जून महिन्यात ही योजना सुरु करण्यात आली होती. या योजनेत सुरुवातीला अर्ज करण्याची शेवटची तारीख ३१ ऑगस्ट २०२४ दिली होती. त्यानंतर अर्ज करण्यासाठी मुदतवाढ करण्यात आली. महिलांना १५ ऑक्टोबर २०२४ पर्यंत अर्ज करण्यास सांगितले. यानंतर योजनेसाठीही अर्जप्रक्रिया बंद झाली. आता या योजनेत अर्ज करता येणार का असा प्रश्न महिला विचारत आहे.

सध्या तरी मुख्यमंत्री माझी लाडकी बहीण योजनेत अर्ज करता येणार नाहीये. मात्र, भविष्यात जर सरकारने याबाबत कोणता निर्णय घेतला तर कदाचित लाभ न मिळालेल्या महिला अर्ज करु शकतात. मात्र, सरकारने याबाबत कोणताही निर्णय किंवा चर्चा केली नसल्याचे सांगण्यात येत आहे. त्यामुळे सध्या तरी महिलांना या योजनेत आता अर्ज करता येणार नाही. मात्र, सरकार कदाचित याबाबत मोठा निर्णय घेऊ शकतो. याबाबत अधिकृत माहित समोर आलेली नाही.

एप्रिलच्या हप्त्याची अपडेट (Ladki Bahin Yojana April Installment)

लाडक्या बहि‍णींना आता एप्रिलचा हप्ता कधी येणार याची उत्सुकता लागली आहे. लाडकी बहीण योजनेत एप्रिलचा हप्ता कदाचित शेवटच्या दोन आठवड्यांमध्ये येऊ शकतो. गेल्या अनेक महिन्यांपासून शेवटच्या आठवड्यात हप्ता जमा केला जात आहे. त्यामुळे महिलांना १५०० रुपये कधी येणार याकडे लक्ष लागले आहे.