जिओने त्यांच्या यूजर्ससाठी परवडणाऱ्या ते प्रीमियम अशा विविध श्रेणीतील रिचार्ज योजना उपलब्ध करून दिल्या आहेत. या वर्षी कंपनीने त्यांच्या अनेक योजनांच्या किमती वाढवल्या असल्या तरीही अजून काही योजना अशा आहेत ज्या कमी बजेट असलेल्या ग्राहकांसाठी फायदेशीर ठरतात. विशेष म्हणजे, जिओने यंदा कॉलिंग आणि एसएमएसवर लक्ष केंद्रीत करणारे काही नवीन प्लॅन सादर केले आहेत. हे प्लॅन कमी दरात कनेक्शन सक्रिय ठेवू इच्छिणाऱ्या यूजर्ससाठी उपयुक्त ठरतात.

जिओच्या पोर्टफोलिओतील सर्वात स्वस्त आणि लोकप्रिय रिचार्ज म्हणजे ₹४४८ रुपयांचा आहे. या प्लॅनमध्ये यूजर्सना ८४ दिवसांसाठी अमर्यादित कॉलिंगचा लाभ मिळतो आणि एकूण १००० एसएमएस पाठवता येतात. या योजनेची खासियत म्हणजे यामध्ये डेटा सुविधा नसली तरी जिओ टीव्ही आणि जिओएआयक्लाउड सारख्या मनोरंजन आणि बॅकअप सेवांचा प्रवेश मिळतो. ज्यांना इंटरनेटपेक्षा फक्त कॉलिंग आणि संदेश सेवा आवश्यक आहे, त्यांच्यासाठी हा पर्याय उत्तम मानला जातो.

दीर्घकालीन यूजर्ससाठी जिओने आणखी एक योजना उपलब्ध करून दिली आहे जी एकूण ३३६ दिवसांची वैधता देते. या प्लॅनअंतर्गत ग्राहकांना संपूर्ण कालावधीत अमर्यादित कॉल आणि ३६०० एसएमएस पाठविण्याची सुविधा दिली जाते. यामध्ये जिओ टीव्ही(JioTv) आणि जिओ एआय क्लाउडचा अॅक्सेस देखील कायम राहतो. त्यामुळे हा प्लॅन वारंवार रिचार्ज करणे टाळू इच्छिणाऱ्यांसाठी अत्यंत सोयीस्कर ठरतो.

याशिवाय, कंपनीने जिओ फोन यूजर्ससाठी स्वतंत्र ८९५ रुपयांचा प्लॅन सादर केली आहे. या प्लॅनची वैधता देखील ३३६ दिवस आहे आणि त्यात कॉलिंग, डेटा आणि एसएमएस तिन्ही प्रकारचे फायदे मिळतात. हा प्लॅन फोन यूजर्समध्ये सर्वाधिक लोकप्रिय पर्यायांपैकी एक मानला जातो, कारण तो दीर्घ काळासाठी स्थिर कनेक्टिव्हिटी सुनिश्चित करतो.

डेटाची गरज असलेल्या यूजर्ससाठी जिओने काही व्हॅल्यू प्लॅन देखील ठेवले आहेत. त्यापैकी १८९ रुपयांचा प्लॅन विशेष उल्लेखनीय आहे. २८ दिवसांच्या वैधतेसह येणाऱ्या या योजनेत एकूण २ जीबी डेटा, अमर्यादित कॉलिंग आणि ३०० एसएमएसचा लाभ मिळतो. त्याचप्रमाणे कंपनी ७९९ रुपयांचा एक प्लॅन देखील देते. जो ८४ दिवस वैध आहे आणि दररोज १.५ जीबी डेटा प्रदान करतो. यामध्येही अमर्यादित व्हॉइस कॉलिंग आणि दररोज १०० एसएमएसचा समावेश आहे. हे सर्व प्लॅन जिओच्या व्हॅल्यू श्रेणीत मोडतात, जे यूजर्सना कमी दरात जास्त सुविधा देण्याचे उद्दिष्ट ठेवतात.

जिओच्या या नव्या योजना यूजर्सना त्यांच्या गरजेनुसार योग्य पर्याय निवडण्याचे स्वातंत्र्य देतात. इंटरनेटचा वापर कमी करणाऱ्यांना फक्त कॉलिंग आणि एसएमएसवर आधारित सुलभ योजना निवडता येते. तर नियमित डेटा वापरणाऱ्यांसाठीही परवडणारे आणि आकर्षक पर्याय उपलब्ध आहेत. या विविध योजना जिओला भारतातील सर्व स्तरांतील ग्राहकांसाठी एक संपूर्ण टेलिकॉम समाधान ठरवतात.