प्रशासकीय सेवेत काम करण्याचे अनेकांचे स्वप्न असते. अनेकांना सरकारी नोकरी हवी असते. यासाठी स्पर्धा परीक्षा द्याव्या लागतात. स्पर्धा परीक्षेत अनेकदा अपयश येते. परंतु काहीजणांना खूप कमी वयातच यश मिळते. असंच यश आयपीएस तृप्ति भट्ट यांना मिळाले. त्यांनी जवळपास १६ सरकारी नोकरी धुडकावल्या आणि स्वतःचे आयपीएस होण्याचे स्वप्न पूर्ण केले.

अनेकदा परिस्थितीमुळे आपल्याला आपले स्वप्न पूर्ण करता येत नाही. परंतु परिस्थिती बदलण्याची ताकद आपल्यात असते. असंच काहीसं तृप्ति यांनी केले.

तृप्ति यांचे शिक्षण (IPS Trupti Bhatt Education)

तृप्ति या मूळच्या उत्तराखंडमधील अल्मोडा येथील रहिवासी.तृप्ति यांनी अल्मोडा येथील बीरशेबा सीनियर सेकंडरी स्कूलमधून शिक्षण पूर्ण केले. केंद्रीय विद्यालयातून १२वीपर्यंतचे शिक्षण घेतले. त्यानंतर त्यांनी पंतनगर विद्यापीठातून इंजिनियरिंगची पदवी प्राप्त केली.

तृप्ति यांनी धुडकावल्या १६ सरकारी नोकऱ्या

इंजिनियरिंग झाल्यानंतर तृप्ति यांनी नॅशनल पॉवर कॉर्पोरेशनमध्ये असिस्टंट मॅनेजर पदावर काम केले. तृप्ति यांना इस्त्रोमध्ये नोकरी मिळाली होती.याचसोबत त्यांनी १६ सरकारी नोकरी धुडकावल्या आणि स्पर्धा परीक्षेची तयारी केले.

आयुष्याचा टर्निंग पॉइंट

तृप्ति या नववीत असताना डॉ. एपीजे अब्दुल कलाम यांना भेटल्या होत्या. त्याचवेळी त्यांना प्रेरणा मिळाली. देशासाठी काहीतरी करण्याची इच्छा निर्माण झाली. २०१३ मध्ये पहिल्याच प्रयत्नात तृप्ति यांनी यूपीएससी परीक्षेत १६५ रँक प्राप्त केली. त्यांनी आयपीएस होण्याचा निर्णय घेतला.तृप्ति या स्पोर्ट्स खेळतात. त्यांना मॅरेथॉन, बॅडमिंटन या स्पर्धेत गोल्ड मेडल मिळाले आहे.