यूपीएससी परीक्षा देऊन आयएएस होण्याचे अनेकांचे स्वप्न असते. परंतु अनेकदा अपयशाचा सामना करावा लागतो. कितीही अपयश आले तरीही हार मानायची नसते. असंच काहीसं हर्षिता गोयल यांनी केलं. त्यांनी मोठ्या जिद्दीने यूपीएससी परीक्षा पास केली. त्यांनी यूपीएससी २०२४ मध्ये दुसरी रँक प्राप्त केली.

हर्षिता गोयल यांनी मेहनत आणि देशसेवा करण्याच्या इच्छेने यूपीएससी (UPSC) परीक्षा पास केली. त्यांच्या या यशाचं श्रेय त्यांच्यासह त्यांच्या कुटुंबालाही जातं. हर्षिता गोयल या चार्टर्ड अकाउंटंट आहेत. याचसोबत त्यांनी MS युनिव्हर्सिटी ऑफ बडोदामधून ग्रॅज्युएट झाले.

कुटुंबातील पहिली IAS अधिकारी

हर्षिता यांनी लहानपणापासूनच समाजसेवा करण्याचे स्वप्न पाहिले. महिलांना सशक्त बनवणे हा त्यांचा संकल्प आहे. हर्षिता या त्यांच्या कुटुंबातील पहिल्या सदस्य आहेत ज्यांनी यूपीएससी परीक्षा पास केली आहे. त्यांच्या आईवडिलांनी खूप मेहनतीने आपल्या मुलीला शिकवले आणि तिला यूपीएससी परीक्षा देण्यासाठी प्रेरित केले.

बी.कॉमचे शिक्षण

हर्षिता गोयल या मूळच्या हरियाणाच्या रहिवासी. त्या गुजरातमध्ये लहानाच्या मोठी झाल्या. त्यांनी बडोदा महाविद्यालयात बी.कॉम डिग्री प्राप्त केली होती. त्यानंतर त्या चार्टर्ड अकाउंटंट झाल्या. यानंतर यूपीएससी परीक्षा दिली. हर्षिता यांनी आपल्या वडिलांचे स्वप्न पूर्ण करण्यासाठी हा निर्णय घेतला. हर्षिता यांचा जेव्हा यूपीएससी परीक्षेत दुसरी रँक मिळाली तेव्हा त्यांच्या कुटुंबाला खूप आनंद झाला.