Success Story: वडील वीट भट्टीत कामाला, आई धुणीभांडी करायची, लेक २२व्या वर्षी झाला IPS; सफीन हसन यांचा प्रवास

प्रत्येकाची परिस्थिती ही काही चांगली नसते. काही जणांची परिस्थिती खूपच बिकट असते. परंतु ही परिस्थिती पूर्णपणे बदलण्याची ताकद आपल्या प्रत्येकामध्ये असते. जर तुम्ही परिस्थिती बदलली तर तुमचं संपूर्ण आयुष्यचं बदलतं.असंच काहीसं सफीन हसन यांनी केलं. खूप गरीब कुटुंबात बालपण गेलं. परंतु त्यांनी आज आपली परिस्थिती पूर्णपणे बदलली आहे. ते आयपीएस अधिकारी म्हणून कार्यरत आहेत.

सफीन हसन कोण आहेत? (Who is IPS Safin Hasan)

संघर्ष, जिद्द आणि इच्छाशक्तीच्या जोरावर त्यांनी यूपीएससी परीक्षा पास केली आहे. सफीन हसन यांचा जन्म १९९५ रोजी गुजरातमधील पालनपूर येथे झाला. त्यांचे बालपण खूप बिकट परिस्थितीत गेले. त्यांचे वडील विट भट्टीत काम करायचे तर आई दुसऱ्यांचा घरी भांडी घासायचे काम करायचे. याचसोबत रात्री ते लोक अंड्याची गाडी लावायचे.

सफीन हसन यांचे शिक्षण गावातच झाले. सफीन हे अभ्यासात इतके हुशार होते की त्यांच्या शिक्षणाचा खर्च शाळेने उचलला. त्यानंतर त्यांनी इंजिनियरिंग कॉलेजमध्ये प्रवेश घेतला. त्यांचे स्वप्न देशसेवा करायचे होते. यासाठी त्यांनी यूपीएससी परीक्षा देण्याचा निर्णय घेतला.

यूपीएससी परीक्षेची तयारी करताना दिवसरात्र एक करावी लागते. हा प्रवास त्यांच्यासाठी सोपा नव्हता. त्यांनी २२ व्या वर्षी यूपीएससी परीक्षा पास केली. त्यांनी परीक्षेत ५७०वा रँक मिळवला. ते सर्वात तरुण आयपीएस अधिकाऱ्यांपैकी एक आहेत.

परीक्षेच्या काळात झाला होता अभ्यास

सफीन हे खूप हुशार होते. परंतु एकदा त्यांचा अपघात झाला. २०१७ मध्ये परीक्षा द्यायला जाताना त्यांचा अपघात झाला. यात ते गंभीर जखमी झाले. परंतु त्यांनी त्याच परिस्थितीत परीक्षा दिली. याच मेहनतीचे त्यांना यश मिळाले. ते वयाच्या अवघ्या २२ व्या वर्षी आयपीएस अधिकारी झाले.