गेल्या अनेक दिवसांपासून सोन्याच्या भावात वाढ होत आहे. आज आठवड्याच्या शेवटच्या दिवशी सोन्याच्या भाव कमी झाल्याचे पाहायला मिळत आहे. सोन्याचे भाव १६३० रुपयांनी कमी झाले आहेत. त्यामुळे ग्राहकांना मात्र दिलासा मिळाला आहे. ज्या ग्राहकांना सोने खरेदी करायचे आहे त्यांच्यासाठी आज उत्तम संधी आहे.

सध्या सणासुदीचे दिवस येत आहे. वटपोर्णिमा सण आहे. या दिवशी अनेकजण सोने खरेदी करतात. परंतु गेल्या अनेक दिवसांपासून सोन्याचे वाढते भाव पाहून ग्राहकांना चिंता वाटत होती. मात्र, आज हे दर कमी झाले आहेत.

२४ कॅरेट सोन्याचे दर (24K Gold Rate Today)

आज २४ कॅरेट सोन्याच्या किंमतीत १६३० रुपये प्रति तोळा घट झाली आहे. आज सोने प्रति तोळा ९७,९७० रुपयांवर विकले जात आहे. तर ८ ग्रॅम सोन्याचे दर ७८,३७६ रुपये आहे. या दरात १३०४ रुपयांनी घट झाली आहे. सोन्याचे दर आज चांगलेच उतरले आहेत.

२२ कॅरेट सोन्याचे दर (22k Gold Rate)

आज १० ग्रॅम सोन्याचे दर ८९,८०० रुपये प्रति तोळा आहे. सोन्याच्या दरात १५०० रुपयांनी घट झाली आहे. तर ८ ग्रॅम सोन्याचे दर ७१,८४० रुपये झाले आहेत. या दरात १२०० रुपयांनी कपात झाली आहे.

१८ कॅरेट सोन्याचे दर (18k Gold Rate)

आज १८ कॅरेट सोन्याच्या दरात प्रति तोळा १२२० रुपयांनी घट झाली आहे. आज एक तोळा सोने ७३,४८० रुपयांवर विकले जात आहे. तर ८ ग्रॅम सोन्याचे दर ५८,७८४ रुपये आहे. या दरात ९७६ रुपयांनी घट झाले आहेत.

चांदीचे दर (Silver Rate)

आज चांदीच्या दरात काहीही बदल झालेला नाही. चांदीचे दर स्थिर आहे. ८ ग्रॅम चांदीचे दर ८५६ रुपये आहेत. १० ग्रॅम चांदीचे दर १०७० रुपये आहे. १०० ग्रॅम चांदीचे दर १०,७०० रुपये आहे.