Gold Price Today; check todays 18k 22k and 24k Gold Rates Mumbai Pune : मागील पाच ते सहा दिवसांपासून भारतीय चलन अर्थात रूपयाची किंमत घसरत आहे. दुसरी डॉलर मजबूत झाल्यामुळे सोन्याच्या मागणीत मोठ्या प्रमाणात घट झाली आहे. परिणामी सराफा बाजारात सोन्याच्या किंमती घट झाली आहे. गुरूवारी, सकाळी सराफा बाजार उघडताच सोन्याच्या किंमतीत मोठी घसरण झाली. त्याशिवाय मल्टी कमोडिटी एक्सचेंज (MCX) वरही सोन्याच्या दरात कपात झाल्याचे दिसून आले. (City-wise gold rate Mumbai Pune Delhi Chennai comparison)

देशातील आजचा सोन्याचा दर Gold Price In India Today

देशांतर्गत बाजारात सोन्याचे दरात आज किरकोळ घसरण दिसून आली. सराफा बाजार उघडताच प्रति ग्रॅम २४ कॅरेट सोन्याचा दर 13,036 रूपये इतका झालाय. बुधवारी याची किंमत 13,058 रुपये इतकी होती. म्हणजेच, सोनं प्रति ग्रॅम २२ रूपयांनी स्वस्त झालेय. २२ कॅरेटचे सोनं प्रति ग्रॅम २० रूपयांनी स्वस्त झालेय. आज 11,950 प्रति ग्रॅम इतकी किंमत आहे. तर १८ कॅरेटच्या सोन्याचे दर प्रति ग्रॅम  9,778 रूपये झालेय. यामध्ये १६ रूपयांनी घसरण झाली.

प्रति तोळा सोनं किती रूपयांनी घसरले?

24 कॅरेटचे सोनं प्रति तोळा २२० रूपयांनी स्वस्त झालेय. आज सराफा बाजार सुरू होताच प्रति तोळा सोन्याची किंमत 1,30,360 इतकी झाली. २२ कॅरेट सोन्याची किंमत २०० तर १८ कॅरेट सोन्याची किंमत १६० रूपयांनी कमी झाली आहे. आज २२ कॅरेट सोनं प्रति तोळा 1,19,500 रूपये तर १८ कॅरेट सोनं प्रति तोळा  97,780 रूपयांना मिळतेय.

कोणत्या शहरात सोन्याचे दर किती?

राजधानी दिल्लीमध्ये २४ कॅरेट सोन्याचा दर प्रति ग्रॅम १३,०५१ रुपये इतका आहे. तर २२ कॅरेट आणि १८ कॅरेट सोन्याचा दर प्रति ग्रॅम अनुक्रमे ११,९६५ रुपये आणि ९,७९३ रुपये इतका आहे. मुंबई, कोलकाता, बंगळुरू, पुणे, हैदराबाद, जळगाव आणि केरळमध्ये किंमती समान आहेत. या ठिकाणी २४ कॅरेट सोन्याची किंमत प्रति ग्रॅम १३,०३६ रुपये इतकी आहे. तर २२ कॅरेट सोन्याची किंमत ११,९५० रुपये आहे. दरम्यान, चेन्नईमध्ये २४ कॅरेट सोन्याचा दर प्रति ग्रॅम १३,११३ रुपये इतका आहे. २२ कॅरेट सोन्याचा दर प्रति ग्रॅम १२,०२० रुपये आणि १८ कॅरेट सोन्याचा दर प्रति ग्रॅम १०,०२५ रुपये असा आहे.

देशात चांदीचे दर काय ? स्वस्त झाले की महाग? (Silver Price In India)

देशातील चांदीच्या किमतींमध्ये कोणताही बदल झाला नाही. आज सराफा बाजारात बुधवरच्या तुलनेत चांदीचे दर जैसे थे राहिले. सराफा बाजारात चांदीचे दर १,९१,००० प्रति किलो इतके आहेत.