Pune Accident : स्कूल बसने माय लेकाला उडवले, पोराच्या डोक्यावर चाक गेलं, जागेवर मृत्यू

Maharashtra school bus Accident News : पुण्यातील हडपसर येथे स्कूल बसच्या धडकेत ५ वर्षाच्या मुलाचा जागीच मृत्यू झाला असून आई गंभीर जखमी आहे. बसचालकासह शाळेच्या संस्थापक आणि प्रमुखांवर गुन्हा दाखल.
Maharashtra school bus
School bus Saam TV News
Published On

सचिन जाधव, पुणे प्रतिनिधी

Pune School Bus Accident News : पुण्यातील हडपसरमध्ये स्कूल बसच्या धडकेत पाच वर्षाच्या मुलाचा जागीच मृत्यू झाला, तर त्याची आई गंभीर जखमी झाली. ही घटना हडपसर-सासवड रस्त्यावरील उरुळी देवाची परिसरात घडली. या प्रकरणी बसचालक आणि मोडक इंटरनॅशनल स्कूलच्या संस्थापकांसह चौघांविरुद्ध गुन्हा दाखल करण्यात आला आहे.

साईनाथ तुळशीराम भंगारे (वय ५, रा. गणराज हाईट, उरुळी देवाची) असे अपघातात मृत्युमुखी पडलेल्या बालकाचे नाव आहे. त्याची आई रेखा तुळशीराम भंगारे (वय २८) गंभीर जखमी झाल्या असून त्यांच्यावर उपचार सुरू आहेत. या प्रकरणी त्यानुसार बसचालक संस्कार अनिल भोसले (रा. पांडवनगर, वडकी) याला अटक करण्यात आली आहे. तसेच,शाळेचे संस्थापक संजय वसंत मोडक, मुख्याध्यापिका डॉ. आरती जाधव आणि बस मालक मनीषा संजय मोडक या चौघांविरुद्ध गुन्हा दाखल करण्यात आला आहे.

Maharashtra school bus
स्थानिक स्वाराज्य संस्थांच्या निवडणुकीत अजित पवारांची तोफ धडाडली, महाराष्ट्र पिंजून काढला

नेमकं झालं काय ?

रेखा मुलाला शाळेत सोडण्यासाठी पायी जात होत्या. त्याचवेळी सावली होम्स सोसायटीजवळ शाळेची बस मुलांना घेण्यासाठी तिथे आलेली होती. चालक बस मागे घेत असताना रेखा आणि साईनाथ यांना जोरात धडक दिली. स्कूल बसचे चाक साईनाथच्या डोक्यावरून गेल्याने त्याचा जागीच मृत्यू झाला. अपघाताची माहिती मिळताच पोलिस घटनास्थळी दाखल झाले. गुन्हा दाखल करण्यात आला असून पुढील तपास सहाय्यक निरीक्षक किशोर पवार करीत आहेत.

Maharashtra school bus
Pune : पुण्याहून थेट नाशिकपर्यंत ट्रेनचा प्रवास, कसा असेल मार्ग, कोणत्या शहराला होणार फायदा?

पुण्यातील मद्यधुंद वाहनचालकाची येरवडा कारागृहात रवानगी

मद्यधुंद अवस्थेत भरधाव चारचाकी चालवून व्हॅले पार्किंग करणाऱ्या एका कर्मचाऱ्याला चिरडल्याप्रकरणी वाहनचालकाची न्यायालयीन कोठडीत रवानगी करण्यात आली आहे. प्रताप ऊर्फ प्रतापसिंग भारतराव दाईंगडे (वय ४९, रा. धानोरी, मूळ रा. नेरूळ, नवी मुंबई) असे आरोपी वाहनचालकाचे नाव आहे. या अपघातात सतेंद्र मोती मंडल (वय ३०, रा. वडगाव शेरी, मूळ रा. बिहार) या कर्मचाऱ्याचा मृत्यू झाला आहे.आरोपीने कुठे मद्यप्राशन केले होते; तसेच त्याने अमली पदार्थाचे सेवन केले होते का, याचा तपास येरवडा पोलिस करत आहेत. ही घटना रविवारी दुपारी पावणेतीनच्या सुमारास कल्याणीनगर येथील हॉटेल टॉईटच्या आवारात घडली. आरोपीने जास्त मद्यप्राशन केल्याने तक्रारदारांनी त्याला कॅबने घरी जाण्याची किंवा चालकाची सेवा घेण्याची विनंती केली होती.

Maharashtra school bus
डॉलरची नाईन्टी, रुपयाच्या गटांगळ्या; EMI, मुलांचं शिक्षण ते दैनंदिन खर्च; किती भयंकर असेल परिस्थिती, वाचा

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com