केंद्रीय मंत्री नितीन गडकरी यांनी फास्टॅग वार्षिक पासची घोषणा केली. या वार्षिक पासमुळे लाखो वाहनधारकांना फायदा होणार आहे. हा पास १५ ऑगस्टपासून लागू होणार आहे. या पासमुळे आता तुम्हाला वर्षभर मोफत प्रवास करता येणार आहे. या पासचे अनेक फायदे आहेत.

फास्टॅग वार्षिक पास हा सर्वांसाठी अनिवार्य नाही आहे. ते सध्याच्या फास्टॅगवरुन हा नवीन वार्षिक पास बनवू शकतात. ज्यांना हा नवीन पास नको आहे ते सध्याच्या फास्टॅगवर रिचार्ज करुन वापरु शकतात. दरम्यान, हा पास २०० ट्रीपसाठी इसणार आहे. त्यामुळे प्रत्येक ट्रीपसाठी तुम्हाला फक्त १५ रुपये मोजावे लागणार आहे. या पासचे फायदे जाणून घ्या.

FASTag पासचे ५ फायदे (FASTag Pass Benefits)

२०० ट्रीपपर्यंत मोफत प्रवास

हा फास्टॅग पास कार, जीप आणि व्हॅनसाठी असणार आहे. तुम्हाला वर्षभर नॅशनल हायवे आणि नॅशनल एक्सप्रेस वेवर तुम्हाला हा पास वापरता येणार आहे. यामुळे तुम्हाला २०० ट्रीप मोफत मिळणार आहेत.

१५ ऑगस्टपासून होणार सुरु

हा फास्टॅग वार्षिक पास १५ ऑगस्टपासून लागू होणार आहे. हा पास तुम्हा राजमार्गयात्रा अॅपवरुन किंवा NHAI च्या वेबसाइटवर अॅक्टिव्हेट करु शकतात.

३००० रुपयांमध्ये वार्षिक पास

तुम्हाला हा वार्षिक पास फक्त ३००० रुपयांमध्ये मिळणार आहे. तुम्ही पेमेंट केल्यानंतर २ तासांच्या आता हा पास तुमच्या FAStag मध्ये सक्रिय केला जाईल.

नवीन फास्टॅगची आवश्यकता नाही

प्रवाशांना या वार्षिक पाससाठी नवीन फास्टॅगटी आवश्यकता भासणार नाही. तुमच्या सध्या फास्टॅगवर हा वार्षिक पास सक्रिय केला जाईल.

कधीपर्यंत वापरता येणार?

हा नवीन फास्टॅग पास सक्रिय केल्यापासून वर्षभर किंवा २०० ट्रीपसाठी असणार आहे. या दोन्ही मर्यादा संपल्यावर तुम्हाला परत फास्टॅग वार्षिक पास काढावा लागेल.