यूपीएससी ही देशातील सर्वात अवघड परीक्षा आहे. यूपीएससी परीक्षा देऊन अनेकांना प्रशासकीय सेवेत रुजू व्हायचे असते. परंतु यूपीएससी परीक्षा क्रॅक करण्यासाठी खूप मेहनत करावी लागते. मेहनत आणि इच्छाशक्तीच्या जोरावर कोणताही व्यक्ती यश मिळवू शकतो. असंच काहीसं आयपीएस नवजोत सिमी यांनी दाखवून दिले.

नवजोत सिमी या आयपीएस अधिकारी आहेत. त्या नेहमीच चर्चेत असतात. ब्युटी विथ ब्रेनचं त्या उत्तम उदाहरण आहे. त्यांचे सोशल मीडियावरदेखील लाखो फॉलोवर्स आहेत. डॉ. नवजोत सिमी यांचा जन्म पंजाबमधील गुरुदास येथे झाला. त्यांचे सुरुवातीचे शिक्षण पाखोवाल येथील मॉडल पब्लिक स्कूलमध्ये झाले.

नवजोत सिमी यांनी बाबा जसवंत सिंह डेंट कॉलेज अँड हॉस्पिटल आणि रिसर्च सेंटरमधून डेंटल सर्जरीमध्ये डिग्री प्राप्त केली होती. डॉक्टर झाल्यानंतर त्यांना त्या गोष्टीत फार रस उरला नाही. त्यामुळे त्यांनी यूपीएससी परीक्षेची तयारी केली. २०१६ साली पहिल्या प्रयत्नात त्यांना अपयश आले. परंतु त्यांनी हार मानली नाही. त्यांनी पुन्हा २०१७ मध्ये यूपीएससी परीक्षा दिली.

दुसऱ्या प्रयत्नात नवजोत सिमी यांना यश मिळालं. त्यांनी ७३५ रँक मिळवली. आयपीएस नवजोत सिमी यांना पहिल्यांदा बिहार कॅडर मिळाले होते.त्यानंतर त्या एसपी म्हणून कार्यरत झाल्या. नवजोत सिमी या त्यांच्या पर्सनल आयुष्यामुळेही नेहमी चर्चेत असतात. त्यांचे सोशल मीडियावर १० लाखांपेक्षा जास्त फॉलोवर्स आहेत. नवजोत सिमी यांना आयएएस तुषार सिंगला यांच्याशी लग्न केले. त्यांनी तुषार सिंगला यांच्या ऑफिसमध्येच लग्न केले. लग्नाचे प्लानिंग करण्यासाठी वेळ नसल्याने त्यांनी ही अनोखी शक्कल लढवली.