Chhaava Box Office Collection : बॉक्स ऑफिसवर 'छावा'ची हवा, छावाच्या गर्जनेनं बॉक्स ऑफिस हादरलं, विकीच्या छावाचा नवा विक्रम

मुंबई : छत्रपती संभाजी महाराजांच्या जीवनावर आधारित छावा बॉक्स ऑफिसवर धुमाकूळ घालतोय.. छावा चित्रपटाने किती कोटींचा गल्ला जमवलाय? छावा चित्रपट कोणत्या कारणांमुळे हिट ठरलाय? यावरचा हा विशेष रिपोर्ट.

छत्रपती संभाजी महाराजांच्या इतिहासावर आधारित छावाच्या गर्जनेने बॉक्स ऑफिस हादरुन गेलंय. अभिनेता विकी कौशलच्या छावा चित्रपटाने पहिल्याच दिवशी कमाईचा नवा उच्चांक गाठलाय. अभिनेता विकी कौशलने छत्रपती संभाजी महाराजांची तर रश्मिका मंदानाने महाराणी येसूबाईंची भूमिका साकारलीय. छावा चित्रपटाने पहिल्या दिवशी बॉक्स ऑफिसवर धुमाकूळ घालत ३१ कोटींचा गल्ला जमवलाय. छावाच्या यशाची कारणं काय आहेत? पाहूयात.

विकी कौशलच्या दर्जेदार अभिनयाची प्रेक्षकांना भूरळ

लक्ष्मण उतेकर यांचं उत्कृष्ट दिग्दर्शन

जोरदार प्रमोशन्स आणि अॅडव्हान्स बुकिंग

छावा चित्रपटाला ओपनिंगलाच प्रेक्षकांचा मोठा प्रतिसाद मिळतोय. १३० कोटी खर्च करुन दिग्दर्शक लक्ष्मण उत्तेकरांनी शिवाजी सावंतांच्या छावा कादंबरीवर आधारित छावा चित्रपट बनवला. छावाच्या ५ लाख तिकीटांच्या अॅडव्हान्स बुकिंगमधूनच १३ कोटी ७० लाखांची कमाई झाली. एवढंच नाही तर छावा चित्रपटाने पहिल्याच दिवशी ३१ कोटी रुपयांची कमाई केलीय. त्यामुळे प्रेक्षकांच्या हृदयाला हात घालणारा छावा पहिल्याच आठवड्यात आपल्या कमाईनं १०० कोटीच्या क्लबमध्ये जाण्याची शक्यता अधिक आहे.