Shreya Maskar
सिटी पॅलेस हा उदयपूरमधील सर्वात मोठा आणि भव्य राजवाडा आहे. याचे बांधकाम 16व्या शतकात महाराणा उदयसिंह यांनी सुरू केले. येथे राजपूत आणि मुघल स्थापत्यशैलीचा सुंदर संगम पाहायला मिळतो. सिटी पॅलेस पिचोला तलावाच्या काठावर वसलेला आहे.
पिचोला सरोवर हा कृत्रिम तलाव 1362 मध्ये तयार करण्यात आला. पिचोला सरोवर बोटिंगसाठी प्रसिद्ध आहे. येथे सूर्यास्ताचा सुंदर नजारा पाहायला मिळतो. पिचोला सरोवराच्या मध्यभागी लेक पॅलेस आहे.
सज्जनगड मान्सून पॅलेस एका टेकडीवर वसलेला आहे. 19 व्या शतकातील हा राजवाड्यातून पिचोला सरोवर आणि शहराचे मनमोहक दृश्य दिसते. येथे सज्जनगड मान्सून पॅलेसवरून दिसणारा सूर्यास्त खरोखरच अद्भुत आणि विलोभनीय असतो.
गुलाब बाग ही उदयपूरमधील सर्वात मोठी बाग आहे. येथे विविध प्रकारची फुले आणि वनस्पती पाहायला मिळतात. तुम्ही येथे सुंदर फोटोशूट देखील करू शकता. येथे जवळच छोटे प्राणी संग्रहालय आणि वाचनालय आहे.
पिचोला तलावाच्या मध्यभागी असलेला ताज लेक पॅलेस पांढऱ्या संगमरवरी दगडाचा राजवाडा आहे. येथे जायचे असल्यास बोटीने प्रवास करावा लागतो.
जगदीश मंदिर 1651 मध्ये बांधलेले प्राचीन हिंदू मंदिर आहे. हे भगवान विष्णूंना समर्पित आहे. तसेच कोरीव काम आणि शिल्पकलेसाठी प्रसिद्ध आहे.
बगोरे की हवेली ही 18व्या शतकातील ऐतिहासिक हवेली आहे. येथे मेवाड संस्कृतीचे प्रदर्शन पाहायला मिळते. संध्याकाळी लोकनृत्य आणि सांस्कृतिक कार्यक्रम होतात.
वरील माहिती आम्ही फक्त वाचक-प्रेक्षकांपर्यंत पोहचवत आहोत.