- रणजीत माजगावकर

Kolhapur News : राज्यात अवकाळी पावसाचा (unseasonal rains) तडाका शेतकऱ्यांना बसला आहे. यामध्ये पश्चिम महाराष्ट्रातील सातारा (satara), सांगली (sangli), काेल्हापूर (kolhapur) जिल्ह्यांतील शेतीस देखील माेठा फटका बसला आहे. आता उरलेले शेती जगवण्यासाठी पाण्याची गरज आहे. परंतु पाटबंधारे खात्याने उपसा बंदी घातल्यामुळे काेल्हापूर, इचलकरंजीसह 64 गावांतील शेतकऱ्यांमध्ये अस्वस्थ पसरली आहे. (Maharashtra News)

कोल्हापूर शहरासह इचलकरंजी व ग्रामीण भागाला 64 खेड्यांना पंचगंगा नदी द्वारे शेतीचे व प्यायचे पाणी पाटबंधारे द्वारे दिले जाते. तसेच उद्योगधंद्यालाही याद्वारे पाणी दिले जाते. सध्या गेल्या काही दिवसापासून उन्हाळ्याची तीव्रता वाढल्यामुळे धरणाचा पाणीसाठा कमी झाला आहे. त्यामुळे कोल्हापूर जिल्हा पाटबंधारे खात्याने शेती उपशासाठी बंदी घातली आहे.

त्यामुळे शेतकरी अस्वस्थ झाला आहे. शेतीला पाणी नाही मिळाले तर हरभरा गहू फुले ऊस या आदी पिकांचे मोठे नुकसान होणार आहे. पिकाला जर पाणी नाही मिळाले तर शेतीला याचा फटका मोठ्या प्रमाणात बसणार आहे.

इकडे अवकाळी पावसाचा तडाका शेतकऱ्यांना बसला तर आता उरलेले शेती जगवण्यासाठी पाण्याची गरज आहे. पण पाटबंधारे खात्याने बंदी घातल्यामुळे शेतकऱ्यांमध्ये अस्वस्थ पसरली आहे.

उपसा बंदीचा आदेश कारखान्यांना, उद्याेगांना देखील करावा अन्यथा पाटबंधारे खात्याने बंदी उठवावी अन्यथा तीव्र आंदोलन छेडू असा इशारा बंडू पाटील (स्वाभिमानी शेतकरी संघटनेचे नेते, इचलकरंजी) यांनी दिला.

Edited By : Siddharth Latkar