Cotton seeds : कापूस बियाणे निर्धारित किंमतीपेक्षा जास्त दराने विकल्यास कारवाई; कृषी विभागाची आहे नजर

सागर निकवाडे 

नंदुरबार : खरीप हंगामाच्या अनुषंगाने बियाणे विक्रीला सुरवात झाली आहे. मात्र काही विक्रेत्यांकडून ब्लॅकमध्ये बियाणे विक्री करत जास्त दराने शेतकऱ्यांना देत आहे. परंतु अशा पद्धतीने विक्री करणाऱ्या विक्रेत्यांवर कृषी विभागाची नजर असून त्यांच्यावर कारवाई करण्याचा इशारा देण्यात आला आहे. 

खरीप हंगामात नंदुरबार जिल्ह्यात जवळपास पावणेतीन लाख हेक्टर क्षेत्रावर पेरणी होणार आहे. जिल्ह्यात प्रामुख्याने कापूस पीक हे घेतले जात असते. या पार्श्वभूमीवर जिल्ह्यात कापूस बियाणांची मागणी मोठ्या प्रमाणात वाढत असते. याचाच फायदा घेत काही व्यापारी कापूस बियाणे किंमतीपेक्षा जास्त पैसे आकारात असतात. अश्या व्यापारियांवर (Agriculture Department) कृषी विभागाच्या जिल्हा गुणवत्ता नियंत्रण कक्षाकडून कडेकोड नजर ठेवली जाणार आहे. 

तसेच अनेकदा ड्युप्लिकेट बियाणे देखील विक्री केले जात असते. त्यांच्यावर देखील नजर असून कापूस बियाणे जादा (Nandurbar) किमतीत विकल्यास दुकानदारावर कारवाई देखील करण्यात येणार असल्याची माहिती कृषी विभागाकडून देण्यात आली आहे.