Onion Price News: अपेक्षेप्रमाणे भाव नसल्याने शेतकऱ्यांकडून कांदा साठवणूक

धुळे : कांदा निर्यात बंदी केल्यानंतर ३१ मार्चला उठविण्यात येणार होती. मात्र निर्यात बंदी कायम असल्याने कांद्याला (Onion) अजून देखील चांगला भाव मिळत नाही. यामुळे बहुतांश शेतकरी हे कांदा काढणी (Dhule) केल्यानंतर मार्केटमध्ये विक्रीसाठी न नेता त्याची साठवणूक करण्यावर भर देत आहेत. (Breaking marathi News)

धुळे तालुक्यात रब्बी हंगामातील उन्हाळी कांदा काढणीचे काम वेगाने सुरू आहे. रब्बी हंगामातील हा कांदा खराब होत नसल्याने घरात साठवणूक करण्यासाठी देखील घेतला जात असतो. मात्र सरकारच्या निर्यात बंदी बाबतच्या चुकीच्या धोरणामुळे सध्या बाजारात कांद्याला समाधानकारक भाव नसल्यामुळे आगामी काळात कांद्याला चांगला बाजारभाव मिळेल; या अपेक्षेने अनेक शेतकऱ्यांनी (Farmer) कांदा साठवणूक करण्याची प्रक्रिया सुरू केली आहे,

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१० ते १५ रुपये मिळतोय दर 
सध्या ऐन विक्रीच्या वेळी कांद्याचे बाजारभाव पडल्याने शेतकरी वर्ग अडचणीत सापडला आहे. दुसरीकडे खत औषधांच्या किमती प्रचंड वाढल्या असून सध्या बाजारात उन्हाळी नवीन कांद्याला १० ते १५ रुपये प्रतिकिलो बाजारभाव मिळत आहे. यामुळे अनेक शेतकऱ्यांचा कल कांदा साठवणूक करण्याकडे असल्याचे दिसत आहे.