Unseasonal Rains : अवकाळी पावसामुळे हरभऱ्यावर अळीचा प्रादुर्भाव; शेतकऱ्याने फिरवला रोटाव्हेटर

संजय जाधव 
बुलढाणा : ढगाळ वातावरण व वादळी वाऱ्यासह आलेल्या अवकाळी पावसाचा सध्या रब्बी पिकांना मोठ्या (Buldhana) प्रमाणात फटका बसला आहे. प्रामुख्याने हरभरा पिकाला याचा अधिक फटका बसला असून हरभऱ्यावर अळीचा प्रादुर्भाव मोठ्या (Farmer) प्रमाणात वाढला आहे. यामुळे शेतकऱ्याने हरभऱ्यावर रोटाव्हेटर फिरविले. (Breaking Marathi News)

बुलढाणा जिल्ह्यातील जळगाव जामोद तालुका व परिसरात रब्बीच्या हंगामात (Rabi Crops) गहू आणि हरभरा ही मुख्य पिके घेतली जातात. अवकाळी पाऊस व वातावरणातील बदलामुळे हरभरा पिकावर मर रोग तथा अळीचा प्रादुर्भाव झाल्याने शेतकऱ्यांसमोर आर्थिक संकट उभे ठाकले आहे. यामुळे परिसरातील हरभरा पिकाचे नुकसान होत असल्याने आसलगाव येथील शेतकरी देविदास घोपे यांनी आपल्या उभ्या हरभरा पिकावर रोटावेटर चालवले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

खरीप हंगामही गेला होता वाया 

२२ जुलैला जळगाव जामोद तालुका परिसरात झालेल्या अतिवृष्टीमुळे खरिपाची पिके जमीन दोस्त झाली आहेत. अशातच शेतकऱ्यांना रब्बीच्या पिकांकडून अपेक्षा असताना अवकाळी पाऊस व वादळी वाऱ्यामुळे शेतकऱ्यांच्या अपेक्षांवर पाणी फिरले आहे. यामुळे शेतकरी आर्थिक संकटात सापडला आहे.